江欣燕當年主動提離婚 爆前夫只顧睇波零反應

香港文匯報訊（記者 李思穎）江欣燕（欣欣）與前夫吳積遜結束12年婚姻後，現仍享受着單身生活，經歷過一次婚姻失敗，她對婚姻不再稀罕，重提當年自己先主動提出離婚一刻，前夫是「零」反應繼續睇波，不過她直認對前夫留有少許遺憾。

欣欣在接受黎芷珊主持的訪談節目《單對單》訪問中，剖白單身盛女現時的內心世界以及愛情觀，與前夫拍拖10年、結婚12年才選擇分開的欣欣，坦言是自己主動提出離婚：「我哋2013年7月分開，可能因為人大個咗，開始認識自己，才發覺我哋內心有好大距離。但冇討厭過同佢一齊嘅時間，好多謝佢陪咗我廿幾年，令我眼界闊咗好多，係我決定唔一齊。同佢一齊好似好開心，但唔係我本質。」她又直認對前夫留有少許遺憾：「因為係我提出話分開，佢當時係冇反應，佢睇緊波，咁我就話我行動了，佢哦完就繼續睇波，我等佢睇完再解釋，其實好多嘢唔使多講。」

不稀罕再婚

欣欣直指覺得婚姻是一種綑綁，大家應先想清楚自己需要怎樣的另一半：「我經歷好多嘢之後，我會好小心選擇另一半，唔會再係憑感覺，真係要好了解自己需要啲咩，因為對方係你嘅一面鏡，我估我將來嘅會係Partner，唔會係老公，我結過婚所以唔稀罕（再婚）。」欣欣又透露從前的自己只愛談笑不愛談心，但現在已有所轉變：「我發覺飲酒可以幫我拆咗自己道牆，我唔信任人嘅牆，以前我唔會無啦啦搵人分享心事；現在係連唔識嘅人，我都願意交心。」

喜歡笑看人生的欣欣，在節目中帶芷珊一起買完花再買餸，更親自下廚炒生酮版韓式炒粉絲及落重料煲靚湯，招呼芷珊與江媽媽同枱吃飯，江媽媽更開腔勸愛女「飲少啲酒」。