香港文匯報訊（記者 李思穎）太極樂隊原本去年開騷紀念入行35周年，一切準備就緒，6子「齊人」預早為個唱海報完成拍攝，只因疫情等了又等，終於開騷有期，定於今年8月在紅館舉行兩場演唱會，可惜鍵琴手唐奕聰（Gary tong）於今年3月猝逝，歌迷只能在今次的「齊人」終極海報中，留下難忘回憶。

太極樂隊演唱會舉行在即，門票於6月23日公開發售，近日一張太極終極海報中，展出已故隊員Gary Tong拍攝海報的幕後花絮照片，隊友們聚首一堂，西裝骨骨有別平時「Band仔」造型。當時Gary Tong預測演唱會舉行時，疫情將會過去，叫粉絲準備寫心意卡表達愛意。

拍攝期間，主音雷有輝「爆呔」，要工作人員幫忙「補褲」場面尷尬：「因為我哋着西裝，啲衫太貼身啦，我執嘢時就聽到一吓聲，就知道出事喇！我都想演唱會可以着到咁靚仔，可以夾兩三首嘅，不過Ricky一定會打鼓打到爆晒衫！」