香港文匯報訊（記者 梁靜儀）岑麗香（香香）、龔慈恩、商天娥、吳岱融，以及香香劇中的女兒童童等人，昨日到將軍澳電視城出席劇集《寶寶大過天》宣傳活動。香香在劇中飾新手媽媽，劇本有好多尖叫及反白眼，香香覺得太多，已經刪減咗少少。龔慈恩演專制外母，經常折磨女婿馬國明，她怕得罪其粉絲。

於4月底誕下細仔的香香，產後個多月即復工，之前首次出席宣傳活動時仍未完全修身，但昨日再次現身，明顯清減不少，穿上修腰短裙，露出纖幼長腿的她坦言仍有戴腰封，距離目標仍要減多5至10磅，但不想為修身給自己太大壓力，認為最緊要是健康及開心，又笑指因突然要宣傳，成了減肥的動力。

劇中香香和飾演奶奶的商天娥之間的婆媳關係相當緊張，她慶幸現實中剛好相反，她和老爺奶奶相處融洽，因疫情關係，細仔出世後仍未有機會跟身在加拿大的爺爺嫲嫲見面，只能透過FaceTime互動，希望疫情盡快過大家可以見面。

飾演新手媽媽的香香，其角色經常因為兒子的行為而發狂尖叫及反白眼，她笑說：「其實劇本有好多尖叫及翻白眼，我已經刪減咗少少，不過今次角色都算係挑戰自己，拍嘅時候大仔仲細，家個仔到咗trouble two識say no ，我就開始明白呢個歲數小朋友嘅行為，日日提醒自己要有耐性，（阿仔做啲咩事會令你反白眼？) 唔肯食嘢，不過我唔會喺個仔面前做。」

龔慈恩嚇怕家傭姐姐

香香坦言怕兒子模仿力強及呷醋，不准他再看該劇：「好似第一集我畀個女打塊面，嗰集我哋一家人一齊睇，結果阿仔學晒啲曳嘢，同埋阿仔睇到我抱其他小朋友又會妒忌呷醋，又會問『爹哋』點解唔係自己個爸爸，事後我有同佢解釋，自從嗰晚之後就唔再畀個仔睇。」

龔慈恩劇中飾演香香的媽媽，同時是一名「專制外母」， 經常折磨女婿馬國明（馬明）， 演出入木三分的她，自爆其家傭姐姐看完劇集後，見到她都有少少驚，即刻走去工作，感覺幾得意，而最初接到劇本都有少少驚，擔心會激嬲視帝馬明的粉絲。

育有一對仔女的龔慈恩自言將來會是一個開明易相處的外母或奶奶，最重要是子女開心，如果發生問題她會先提醒自己的子女，會教他們如何去經營一段關係，她認為只有包容是不夠的，最緊要是溝通， 如果只是單方面包容是好難維繫感情的。她指一對子女還未拍拖，她亦不心急抱孫， 因在這個年代要養育下一代不簡單，不單在經濟上 ，她希望子女有足夠的思想準備才去擁有下一代。