香港文匯報訊（記者 李思穎）菊梓喬（Hana）前晚為無綫劇集《刑偵日記》片尾曲《不相信別人》拍攝MV，更親自請來姜皓文（黑仔）擔任MV男主角，黑仔爽快應邀，更將首次做MV男主角獻給Hana，又讚Hana是淒美歌后。

黑仔坦言：「最初以為佢係講笑，唔嫌我『老餅』咩，其實之前拍《鐵探》聽到佢唱《鋼鐵有淚》已經覺得這把聲音很靚，開始對佢有深印象，之後大家再合作拍《刑》劇，今次拍MV以為有拍拖情節好開心，豈料又係咁慘，喊到聲嘶力竭，其實我近10年所拍都是煽情類型，每次都係為老婆而喊，今次就因為某些原因求婚不成。」

黑仔倒想走出一些沉重角色框框，他表示：「經常向監製、導演和公司申請拍輕鬆、搞笑品種，見到其他演員拍輕鬆喜劇恨到流口水，其實我都係喜劇出身，亞視年代同曾志偉、林敏驄合作，後來去拍電影先演反派，不過家要我搞笑會覺得不好意思，做起來不及別人佻皮，不夠癲。」

問到Hana是否加把勁會多唱劇集歌曲，她謂：「一直差不多，每年年頭都會錄好整年歌曲，剛巧該劇有兩首歌，另一首與王浩信合唱，所以今個月會覺得產量較多，接下來會減少劇集歌，會推出原創歌曲，最期待是7月書展舉行簽碟會，希望能順利舉行。」