年初廁所求婚成功 洪永城將娶梁諾妍

香港文匯報訊（記者 梁靜儀）一直被指是「冇腳雀仔」的洪永城（Tony），與唐詩詠2017年分手後，於2018年底與模特兒兼健身教練女友梁諾妍（Inez）因跑步結緣，二人拍拖不久已展開同居生活，而去年底有傳Tony已向女友求婚，但他就否認，直至昨日終宣布婚訊。

昨日Tony和Inez分別在社交平台上宣布喜訊，並分享結婚感受，Tony說：「由一齊跑步、到傾電話、睇日出、拍拖、不計劃的旅行、到扮攰逃避跑步、通宵睇動漫、同居、到我們至愛Coco離世、到開工連晚安早晨都沒有機會同你講、到今日一齊攜手踏上我倆的新旅程，好在有你，緊握我手我希望一世都有你在身旁，追到你是我的僥倖，娶到你是我的福氣，Let's get Married !」

Inez說：「下半生手拖手，繼續一起跑下去，繼續跑去世界每個角落，感恩遇到你，常常帶給我歡樂，照顧我陪我通宵睇動漫睇網球比賽，工作上的互相扶持，願餘生我們也要一起笑住過！我們結婚啦 ！」

Inez又透露Tony的求婚過程，既搞笑又感人，她笑說：「佢嘅求婚過程係好好笑，好多蝦碌嘢發生，佢喺屋企個廁所度求婚，我覺得好好笑，不過好有佢嘅style，成個過程我係笑到喊，不過都好感動，有晚佢拍完嘢返屋企，就入咗廁所一陣出嚟，跟住到我人有三急入廁所，佢又跟住我入廁所，當我打開廁所門，原來佢喺廁所度布置咗一個攝錄機，又喺洗手盆度放咗啲微型燈泡，又有一束鮮花，鏡上又貼咗啲心形卡，仲寫上MARRY ME？我好笑又感動，我問佢點解要喺洗手間求婚？佢話知道我一定會去洗手間，最好笑係佢拎隻戒指出嚟求婚嘅時候，我話我真係好急，你等一等我去完廁所先，結果佢要等我辦完大事再求婚，我就Say Yes！」早前一對準新人秘密地影了一輯結婚照，由於他們均是熱愛運動之人，因此結婚照也甚具動感，衣着以簡約便服為主。

翠如感激有人接收「大笨」

近日正忙於拍攝有份監製的新劇《凶宅清潔師 》的準新郎Tony，接受TVB娛樂新聞台訪問，他首先多謝大家的祝福，又透露年初已向女友求婚，覺得現在是合適時間公布。至於婚期，他表示會忙到7月，稍後有消息就會同大家公布。問到是否因渴望做爸爸，所以覺得是合適時候結婚？Tony亦不否認：「都有呢個方向㗎，如果可以做爸爸真係好開心，都係一件好美好嘅事，會努力。」

黃翠如得悉好友Tony快將結婚，笑言終於等到這一天，並感激Inez接收他，她說：「Inez，you are the one，感激你接收他，雖然他有太多缺點，又污糟又煩又大男人，脾氣又差，又冇交代，好多諗法但好少實現，話減肥個腩永遠喺度，每本書睇頭三頁就當睇咗……但係你唔要佢，冇人要佢了。記住，如果洪大笨蝦你，我一定幫你搞掂佢。祝福兩位我愛的人。」