香港文匯報訊（記者 梁靜儀）譚嘉儀日前為無綫古裝喜劇《一笑渡凡間》主題曲《喜愛便一起》拍攝 MV，拍過不少MV的嘉儀，最開心今次更可以有份揀選MV男主角，她笑言男主角除了靚仔，還要是跳舞導師，為拍拖情節生色不少，令她更加容易投入拍攝。

《喜愛便一起》是一首甜蜜輕快的作品，導演為配合歌曲特別揀選了一個充滿度假風的場地取景，嘉儀甫到現場即不停影相打卡，除了場景令她滿意外，另一樣令嘉儀好滿意的就是今次MV的男主角，合作過後更對這位對手讚不絕口，嘉儀笑說：「自己首次有份參與揀角色，導演畀咗幾個男模特兒嘅相我睇，結果我同導演嘅選擇都好一致。除咗夠靚仔，最重要因為佢係跳舞導師，佢嘅即場形體動作好正，為拍拖情節生色不少，好欣賞佢嘅表現，令到我都更加容易投入。」

嘉儀透露近日除了忙於為歌曲宣傳外，還正在籌備製作新歌，她說：「好開心嚟緊有機會同唔同嘅監製、音樂人合作，希望會有更多新嘗試，擦出新火花，我自己都好期待呀！」