馬貫東漂染犧牲大 憂甩髮 胡鴻鈞意外奪陳嘉慧熒幕初吻

香港文匯報訊（記者 梁靜儀）胡鴻鈞（Hubert）、陳嘉慧（Erica）、馬貫東、麥美恩、羅蘭、鄭子誠、謝雪心、谷婭溦及許俊豪等昨日到將軍澳電視城出席新劇《愛上我的衰神》（暫名）拜神儀式，無綫高層杜之克亦有到場支持。胡鴻鈞與陳嘉慧在劇中飾演情侶，並意外成功奪去女方熒幕初吻。馬貫東漂染一頭灰白髮，憂心會傷到髮根。

胡鴻鈞近期一劇接一劇，在《愛上我的衰神》與首次擔正女主角的陳嘉慧飾演情侶， 二人一起接受訪問，Hubert被笑指奪去Erica「第一次」，他笑言好榮幸，希望對方能留下美好回憶，問到是否奪去女方的熒幕初吻？他透露二人會有吻戲：「係好含蓄、唔深情嘅，都係個意外嚟。（咁咪唔唯美？）意外先印象深刻，一世都會記得。（會否有床戲？）最想Erica有床戲係監製，每次見到我都會問Erica喺邊？又問我佢表現得好唔好，我覺得以佢第一次做女主角嚟講係喜出望外，因為佢唔怯場、準備充足又做到角色嘅性格。」

等監製安排加床戲

Erica聽到Hubert的讚賞表示好感動，並謂首次有如此重戲份好緊張：「成日都會捉住監製同導演問意見。（有傳你係被無綫力捧？）希望畀多啲機會我。」即問如加床戲可接受？她即反問對手是否Hubert？Hubert說：「睇吓劇本有冇需要，相信Erica咁專業唔介意，等監製安排！」

馬貫東在劇中飾演衰神，為此更要漂染一頭灰白髮，他直言犧牲好大：「每次漂染都要花4個鐘，漂到頭髮很脆弱，梳一梳都斷，好彩只得10集，漂兩次已經捱到完劇。」

說到男人最忌脫髮，問到可會怕甩髮？他說：「髮型師話唔會影響到髮根，男人條根好重要呀，希望唔會甩髮。（女友喜歡嗎？）女友覺得好好睇呀，自己都想Keep，因為我啲頭髮生得快。（好囂張？）囂多陣啦，年紀再大啲就冇得囂㗎啦！」

馬貫東又笑指其角色會溝盡劇中所有女生，身穿的正是「溝女戰衣」，不過因本身有少少密集恐懼症，照鏡見到這套衫都想作嘔。