香港文匯報訊（記者 梁靜儀）太極樂隊昨日舉行記者會宣布將於8月7日至8日於紅館舉行《Rainbow After Rain》演唱會，演唱會原定去年12月於在西九文化區舉行，因受疫情影響延期，隊員劉賢德對於8月檔期開騷，他笑說：「呢個期真係『神期』。」

太極成員之一的唐奕聰（Gary Tong）早前突然離世，5子無不悲痛，但昨日見他們已走出失去隊友的陰霾重新振作起來，對於能於8月在紅館開唱，他們直言覺得是Gary在背後的幫助，劉賢德說：「 呢個期唔係我哋預料嘅期，加上嗰段時間又撞正Hi-Fi騷，8月16日又係Gary生忌，覺得佢喺後面幫手，因為Gary好想呢個期，現在夢想成真，呢個期真係『神期』，真係雙喜臨門。」 朱翰博（Ricky）指由西九戶外場地變為在紅館開騷更好，因炎夏大家都不用太辛苦。

鄧健明（Joey Tang）笑指Gary到時「放假」去睇騷，並透露已邀請黃丹儀頂上彈keyboard，也會安排曾與Gary合作的朋友上台，分享他鮮為人知的故事，又會合唱一些太極未唱過的歌。五子又慨嘆現時開騷好困難，今次開完都唔知有否機會再開騷，見多一次得一次。

此外，盛傳復合的Ricky與戴夢夢昨日同場，問到Ricky二人是否復合？他說：「今次個騷佢係投資方代表之一，我哋已經變咗親人，佢之前搬屋我都有幫手設計同搬吓嘢，互相關心，係真正嘅朋友。」雖然他聲稱合作未感尷尬，但當記者要求二人合照時，他們則要推攏其他隊員一起才肯合照，中間更要隔着Partick。