香港文匯報訊（記者 李思穎）泳兒（Vincy）為無綫歌唱選秀節目《聲夢傳奇》擔任導師，她對學員的表現尤為緊張，就算有病入院期間，依然跟學員開視像會議，盡己所能提供意見。

Vincy表示：「其實之前唔舒服咗幾日，一直用意志力同飲水撐住，尤其是比賽嗰日睇住佢哋上台嘅表現，令我好感動，演出比我預料中更好，把自己的病痛都忘掉了。」不過比賽一結束，Vincy即又暈又嘔，最後要入院檢查兼吊鹽水，檢查結果原來胃部發炎，不過Vincy叫大家不用擔心，要專注比賽，臥病在床的她依然心繫學員，她說：「當我知道佢哋要開網上會議，初步傾吓比賽嘅計劃，我都着緊擔心佢哋，入院這幾日，都有上網看好多參考資料，好希望可以喺我現在呢個狀態都可以盡力去幫到佢哋，希望可以保住晒我哋成個團隊、全部隊友。」Vincy在病床上身穿病人服跟大家透過電話開視像會議，可見其態度專業認真。

而對上一集，Vincy及王灝兒（JW）以導師身份親自上陣，跟紅組隊長何晉樂（Rock）出戰，重新演繹陳奕迅的《裙下之臣》，兩位導師穿上的火辣紅裙令人眼前一亮。