香港文匯報訊（記者 梁靜儀）歐陽震華（Bobby）、陳瀅、賴慰玲、楊卓娜、張國強、鄭子誠、衛志豪及吳沚默等，昨日到將軍澳電視城出席《伙記辦大事》 之 「『伙記』，萬歲！」活動，席上眾人分組沖咖啡慰勞監製及導演。

昨日氣溫高達30度，活動安排在露天地方舉行，早前因病缺席宣傳活動的Bobby，雖已痊癒復工，但仍穿上外套、長褲及戴帽現身；而陳瀅則穿上黑色皮褸長牛仔褲現身，令人擔心她會中暑。

Bobby被問到之前有何不適，他以想保留私隱及不想令人擔心為由未有透露。他又表示疫情期間在家中悠閒了幾個月，想嘗試出任幕後工作：「因為我有個朋友做電影，想搵我拍網（絡）大（電影），佢見我多鬼主意，問我有冇興趣試吓做編劇或者監製，我自己都做咗呢行30幾年，好想試吓多方面嘅發展，以往做演員都係被動，如果做編劇或者監製，主導性大好多，自己寫給自己嘅角色更加有挑戰性。」

Bobby透露暫定先做監製兼演員，預計第一套會是時裝，笑言以學徒身份做起，可以的話想嘗試做埋剪片及配樂，問到是否想轉型退居幕後？ Bobby強調仍然鍾意演戲：「人到咗某個年紀唔想靠人，想控制喺自己手上，但我唔係轉做幕後，我仍然鍾意演戲，嘗試多啲係令到心態平衡啲，其實我嘅心態就係試過就算，因為我可以唔鍾意做乜就唔做乜。」

陳瀅睡眠不足怕冷病

陳瀅表示因近日夜晚要開廠景，加上怕睡眠不足會容易生病，所以寧願熱也不想冷病。她表示前日放了一日假，之後要拍古裝劇《痞子殿下》，相信未來3個月都無假放。首次拍古裝劇的她，覺得無論在講對白、節奏上都比拍時裝需要用雙倍時間， 不過她最擔心還是戲服的問題，她說要「剪布」：「 因為古裝戲服有好多層布，我已經同服裝同事講，盡量剪布，盡量減少層數，（夏天拍劇有何準備？） 多飲水、攞多把遮、防曬、風扇、退熱貼，第一次拍古裝劇，希望順利， 感覺到呢個夏天都好熱，都有啲擔心。」

另外，賴慰玲昨日抱病上陣，全程戴上口罩，她透露劇中會被鄭子誠迷姦，她笑說：「我都係首次拍呢類戲，好開心我個對手係鄭子誠。」