預告香港一天遊慶祝生日 湯洛雯未接馬明禁令 親熱戲照做

香港文匯報訊（記者 梁靜儀）馬德鐘（馬神 ）、湯洛雯（靚湯）、陳煒、何廣沛、郭柏妍、蔣家旻、徐榮、姜大衛、白彪、翟威廉及陳庭欣等，昨日到將軍澳電視城出席新劇《雙生陌生人》 拜神儀式，劇中一人分飾兩角的馬神，拜完神監製叫他要食兩份燒肉，生果都要雙份。今天34歲生日的靚湯透露會香港一日遊作慶祝，而她與男友馬國明（馬明）都沒有禁止對方拍親熱戲。

靚湯表示與馬神在戲中有超多對手戲，因他既是男二又是男一。馬神就說：「係並列男一。」靚湯指馬神飾演其舊情人，之後他卻不辭而別，但又想翻撻補償。馬神指他因為拋棄了靚湯所以想作出補償，而他卻有老婆陳煒。

靚湯表示二人暫未有親熱戲，問到男友馬明會否唔畀她拍親熱戲？靚湯笑說：「如果劇情需要都會拍， 佢一定唔會唔畀， 我都冇要求佢唔拍，佢都可以， 不過我拍拖之後都未試過拍咀嘴戲，如果拍之前都會講聲，上次同譚俊彥拍（親熱戲）係拍拖之前拍嘅， 對我嚟講都有啲激，（唔畀男友睇？）男友九秒九睇咗。」馬神笑指馬國明不是唔畀靚湯拍親熱戲，只是唔畀和他拍。

近日靚湯為拍《雙》劇經常要到郊外的農莊拍攝，O型血的她大呻雙手及雙腳都被蚊叮到布滿紅點，並大讚馬神識自備防曬及蚊怕水，都後悔婉拒了對方的好意。馬神稱羨慕靚湯曬極都唔黑，不像他就算已搽了50度防曬，依然曬黑了很多。靚湯笑指他們的膚色一白一黑，都替打燈的工作人員辛苦。

今個月6號正是靚湯的34歲生日，她透露暫定會香港一日遊，可能會去行山或去主題樂園Staycation。 問到男友已返港可以一起慶祝會否開心些？她笑說：「 家有視像好方便，唔似以前Daddy個年代要打長途電話，（但家可以摸到個人？）我哋呢啲係靈魂交。」記者笑指他們是神交，靚湯只笑而不語。

何廣沛要兼得郭柏妍蔣家旻

何廣沛和郭柏妍在劇中會有感情線，更不乏對手戲，而何廣沛透露在劇中他的感情線周旋於郭柏妍和蔣家旻之間，構成一段三角戀，十分好艷福。問到他最後情歸何處時，他笑稱想兩者兼得：「監製仍未處理到，兩個都想要喎，手掌係肉，手背又係肉，不過要畀『甜頭』監製，等佢整多幾場感情戲畀自己。（唔怕朱晨麗嬲？）又關佢事？」

郭柏妍表示今次飾演見習律師，跟飾演師爺的何廣沛是同事關係，早前她都有睇深宵時分重播，何廣沛也有份演出的《律政強人》作參考，並趁機認識這位拍檔。

仍未卸任港姐的郭柏妍，今次已第二次參與劇集演出，之前她曾於《白色強人II》演出，但戲份不多，而今次在劇中戲份多了，她坦言心情少不免緊張：「所以事前做咗好多功課，亦會熟讀劇本先入廠。」問到郭柏妍拍感情戲可有底線？港姐出身的她說：「只要角色需要我都可以接受，相信公司寫得嘅尺度都唔會太過火，本身亦都冇港姐包袱，就算角色要我唔化妝出鏡都可以。」何廣沛卻直言不敢素顏示人，並笑指後生女對自己真有信心。