女參賽者姚焯菲（Chantel）與炎明熹（Gigi）同樣年僅14歲，被問到是否認識李克勤？Chantel說：「之前見過3、4次，第一次見佢已經認得佢，唔使上網搵，一開始見到佢係好驚訝，李克勤咁大個明星，之後接觸就覺得佢好nice。佢同我哋講咗好多關於揀歌同開演唱會嘅經驗，平時我哋好少會聽到。」Gigi亦大讚克勤非常友善親切，覺得前輩的經驗對她們非常有用。

說到所有參賽者事前完全不知賽制，Chantel承認因此而緊張：「我哋同觀眾一樣，可能要到最遲一分鐘先知個賽制係點。」Gigi坦言非常緊張，因聽聞第一集就會有人被淘汰，她驚到手震。說到她是參賽者中較為人熟悉的一位，問到會否特別大壓力？她說：「其實多多少少都會有啲壓力，如果發揮唔好，怕會令大家失望。」

至於年僅17歲的參賽者林智樂（Felix）透露在第一集中選唱了李克勤的歌曲《飛花》，他表示因好鍾意廣東歌，覺得好多人都忘記了上世紀80年代到2000年的廣東歌，他想唱給大家認識。他又稱克勤都有聽過他的歌聲，更有給予意見：「佢話幾好聽，有品味，（之後會唔會揀多啲克勤嘅歌？）都有啲歌係，但要捱過今（昨）日比賽先。（有冇信心？）點都要對自己有信心。」個子不高兼戴眼鏡的他，自嘲樣子不突出，他坦言都怕輸蝕。