香港文匯報訊（記者 梁靜儀）蔡思貝、高海寧 （高Ling）、單文柔昨日為無綫兒童節目《Thing Big天地》擔任嘉賓。與張振朗合演的新劇《童時愛上你》因要延遲拍攝，高Ling趁空閒看了已故NBA巨星高比拜仁的自傳，並學習其曼巴精神，實踐自律的生活。

高Ling與張振朗合演的新劇《童時愛上你》，近日盛傳因劇本問題要延遲拍攝，問到新劇是否要修改劇本？高Ling承認現時仍在等通知開工，之前監製已解釋是因疫情問題，以及希望趁機令劇本寫得更好，雖然她和張振朗等一班演員已開始圍讀，但覺得都是好事， 證明公司對拍劇有要求。問到可覺張振朗「黑仔」？高Ling笑說：「 我覺得佢一啲都唔黑，佢攞好多獎， 演技又好，所有嘢唔好睇個過程，最緊要睇個結果，知道公司好緊張，蝕住錢都拍，係好好一件事。」

高Ling又稱近日趁不用開工拍劇，便做自己感興趣的事情，更睇了已故NBA巨星高比拜仁的自傳。她說：「 我俾佢吸引咗，終於明白佢點解受人敬仰，除咗有實力之外，還有態度、熱誠同埋佢嘅曼巴精神。」此外，她又謂趁機改變生活習慣，規定自己每晚12點前上床就寢，翌日早上7點起床，昨日已進入第3天，她發現不單精神好了，還多了時間做其他事情，如做運動、睇書及下廚，感覺很充實。不過她坦言自己以往做事都是3分鐘熱度：「希望今次唔會俾人睇死，所以我會將每日行程放上網。」

單文柔視老公為大仔

曾是《Think big天地》主持的單文柔，自從誕下女兒「小豬比」後，已沒有主持該節目，昨日重遊「舊地」，她表示產女後還是首次回去，感到有點陌生，但見到大家又很開心似敘舊。問到她會否重返節目？她稱暫時仍未知道：「自己都好想工作，但要湊女，個女家兩歲，呢個年紀開始好好玩，佢會模仿爸爸講說話同動作，自己唔捨得丟低佢，（會否再生多個小朋友？ 呢個問題都有諗，家已經有一個『大仔（老公陳展鵬）』同一個女，所以可能遲啲先。」

單文柔透露最近跟朋友洽談合作搞網上小生意，既可以賺錢，又可以多點時間照顧女兒。至於是否做KOL，她表示主要想分享一下湊小朋友的經驗，而平日老公都會幫手照顧小朋友。問到會否讓小豬比出鏡？單文柔說要先問准老公：「其實個女唔怕陌生人，不過都會同展鵬商量，睇件事對個女有冇幫助，同埋會諗個女感受，會問展鵬先，OK就做。」

蔡思貝幫賴慰玲湊仔

另外，活動上有小朋友邀請思貝合照，思貝自言跟小朋友有緣，曾在德國當過3年嬰兒保姆，之前又有幫手照顧契仔，不過目前仍未準備好當媽媽。

思貝表示日前好友賴慰玲和老公因有事，要她幫手照顧契仔，除了陪小朋友食早餐、做功課，由於小朋友唔鍾意坐定做功課，結果花了1個半小時才寫到9個英文字。之後陪他食午餐，再換校服返學，她指還是第1次同契仔單獨相處，感覺好夢幻和感動。問到是否有信心做個好媽媽？思貝坦言未準備好：「未Ready，因事業正在衝刺期，根本分身唔到，如果生B唔會畀工人湊，所以遲啲再算。」

談到有指王祖藍因要履行首席創意官職務而辭演與她合演的古裝劇，問到思貝是否仍會演出？她說：「等公司安排，（覺得可惜？）係㗎！（諗住可以同祖藍學嘢？）係啦！要等下次才可以同咁勁嘅前輩合作。」正在休息的她表示會報讀不同的興趣班，又會在家中做手工藝。