鄭世豪一個月出3首歌

香港文匯報訊（記者 梁靜儀）鄭世豪昨日為新歌《當這個時候》宣傳，並舉行線上直播，除邀得同門歌手陳康琪合唱外，還獲身在日本的好友吳業坤（坤哥）網上現身支持，為了遷就傳媒影「合照」，世豪與陳康琪便捧起電視，坤哥即搞笑問：「電視畫面係黑白定係彩色？」世豪便答他：「係彩色嘅。」，引來哄堂大笑。貪靚的坤哥又不停在鏡頭前撥弄頭髮及擺出勝利手勢，問到他會否在直播期間與世豪合唱，坤哥就搞笑回答：「我秒秒鐘幾百萬上落。」

世豪表示直播期間會唱四五首歌，又會跟陳康琪合唱，這次更是二人首次合唱，他說：「我哋識咗好耐，出道前已認識，但合唱仲係第一次，我好想同佢出合唱歌，喺佢身上學跳舞，其實之前我都出過跳唱歌，但一個動作就要拍一個畫面。」陳康琪就鼓勵他要堅持。世豪又稱新歌是在去年製作，過去一年受疫情影響而沒機會唱歌，而今個月他便一口氣推出了3首歌，其中有兩首是參加「音樂永續」計劃的翻唱歌，問到會否想每個月都推出3首歌？他直言沒可能︰「呢個就有啲誇張，但音樂會就每年都想開，希望疫情早日減退，可以開到音樂會，我已等咗43年。」

陳康琪表示近日忙於上戲劇進修班，希望有機會拍劇，同時又為個人網上頻道拍片，她笑說：「都係偏向健康運動片多，因為現在去唔到健身室做運動，自己都肥咗4、5磅，人生未試過120磅，平時都係110幾磅，有日上朋友屋企磅重，以為個磅壞咗。」