余德丞拍劇首擔正 連踩16小時頂得住

香港文匯報訊（記者 梁靜儀）余德丞（Dickson）、丁子朗、劉穎鏇、戴祖儀、伍樂怡、胡㻗、黎燕珊、林正峰及游嘉欣等，昨日出席新劇《青青不要臉》 拜神儀式，監製潘嘉德、林肯亦有出席。

一眾演員以上世紀八十年代造型亮相，丁子朗更以短褲襯白襪及波鞋現身，戲中他與Dickson更要穿三角泳褲拍攝落水戲，為了這場戲，子朗笑言要開始操肌。

Dickson首次以男主角身份拍劇，之前曾發生球場暈倒事件的他，對於要長時間拍劇，他自言冇問題：「昨（前）日拍足16個鐘，都有6、7個鐘瞓，頂得住。」

劇中丁子朗與戴祖儀飾演一對，問到可有親熱戲？子朗尷尬說：「同祖儀有親熱戲，之前拍咗人生第1次最親密嘅距離，有啲尷尬， 之後仲有好多親熱戲份， 但都唔及Dickson咁有艷福。」Dickson分別與劉穎鏇及伍樂怡有感情線，不過他說：「佢哋係乾柴烈火，我哋呢啲淡淡然，冇激情戲。」

另外，丁子朗被追問緋聞女友林宣妤回港一事，他承認有留意：「有睇佢社交網，傾過偈。（佢打算點樣？）呢層要問返佢。（現在咩關係？）咪好似我同Dickson咁好朋友囉。」

黎燕珊在劇中飾演Dickson的媽媽，是一位慈母， 她表示近日跟很多年輕人合作，自己亦被他們的青春幹勁感染到。她又透露Dickson在劇中有場戲要在她面前除褲，雖然有打底褲，但他都豁了出去。