繼續接戲不做全職媽媽 童顏 譚凱琪無懼角色被定型

香港文匯報訊（記者 梁靜儀）譚凱琪去年與拍拖多年的男友莊日宇結婚，同年更誕下女兒Gabri，一年內完成人生兩件大事。成為幸福少婦的她卻不打算做全職媽媽留在家中湊B，反而希望繼續拍戲，同時兼顧事業與家庭。

譚凱琪（Zoie）日前為劇集《失憶24小時》宣傳並接受訪問，劇中她飾演爛賭成性的郭晉安的分居太太施文雅，二人育有一名六歲兒子。劇集拍攝時Zoie還未結婚生仔，她相信有了做媽媽的經歷後，再去演定會更勝任：「之前因為未有經歷，演戲時都係靠幻想同觀察身邊朋友啲經歷，表情較為表面，現在有咗經歷就會真切啲，好似個女之前打完針有少少發燒，原來自己無論幾攰都會擔心到瞓唔着，所以演員係需要多啲經歷同人生閱歷，至會有感受去演活好一個角色，如果畀我再演媽媽角色一定會更勝任。」

戲中Zoie跟飾演其兒子的小演員方哲翷有不少對手戲，她大讚「兒子」醒目又識氹人：「我完全唔覺得佢係一個小朋友，佢係一個有經驗嘅演員，每逢節日佢仲會親手整勞作或包禮物送畀每一個演員，好sweet。」

以往多是飾演女強人角色的Zoie，近年在戲路上亦有轉變，角色有正有邪，更不止一次飾演單親媽媽角色。Zoie認為演員不應被角色局限演出，當然她也不希望獨沽一味演人母，都想有多元化演出，最想嘗試醫生、律師等專業人士角色。談到有已為人母的女演員因不想被定型，抗拒演媽媽角色，現年39歲的Zoie又可會有這個憂慮？擁有童顏的她坦言不會因怕演「師奶」角色而不敢生仔：「 自己都有諗過，但係唔係唔生（仔）就不用做呢啲角色呢？自己唔會因為咁而唔敢生仔，我會好努力keep好外在，希望監製睇到我雖然已婚生仔，但仲可以演到學生角色！講笑，至少拍回憶片段都唔會太礙眼。」

能安心演出全靠家人支持

作為新手媽媽，Zoie稱現時終於體會到做媽媽不簡單，湊小朋友比返工還要辛苦，幸好有老公、媽咪及奶奶幫手湊B，減輕了她的負擔，讓她可安心工作。其實Zoie絕對有條件不用工作留在家中做少奶奶，但她笑言可能是廿年後的事：「細個會好嚮往做全職媽咪，當然BB自己湊就最好，可能廿年後我會好嚮往，但喺呢個時段能夠工作點解唔工作呢？演戲亦係自己鍾意嘅工作，希望同時兼顧家庭與事業，雖然唔容易。」

育有一女的她，被問到可有計劃再追多個仔？她說：「我冇所謂，但會考慮個女會唔會呷醋，自己夠唔夠時間照顧佢哋，自己啲愛夠唔夠分畀兩個小朋友。」跟大部分香港家長一樣，Zoie最擔心的莫過於小朋友的上學問題，她慨嘆要為小朋友搵一所好學校讀書並不容易，不單小朋友要夠聰明，還有父母的面試表現及校網都要好，以前每當聽到朋友講媽媽經，她都是零興趣，但現在針拮到肉，很多時跟「少婦聯盟」幾位好姊妹聚首，話題都離不開小朋友。談到對女兒的期望，她希望女兒開心及健康，要乖及做一個心地善良的好人，不過她揚言與老公都不會寵女兒，免她養成「公主病」。

另外，談到曾志偉上任無綫副總經理後，將會大搞歌唱及綜藝節目，當年在有線期間曾主持旅遊飲食節目的Zoie，亦有興趣上遊戲節目做嘉賓，做主持則未有考慮，怕自己反應慢未能帶動節目氣氛。問到可想重操故業拍旅遊節目？Zoie笑說：「旅遊我自己好鍾意，（接受到着三點式出鏡？）如果我身形真係好弗，都可以考慮，款式健康都OK。」 髮型：Jaime Lee@Hair