香港文匯報訊（記者 李思穎）陳展鵬回歸樂壇，亦已推出新作品《零歲》，他接受娛樂新聞台主播許文軒訪問，暢談重拾歌手夢感受。展鵬說：「1998年有機會簽大公司出歌，當時做歌手嘅心態好強烈，但完全唔知做歌手有什麼需要，入錄音室見到一位歌手打鼓彈結他，我就什麼樂器都唔識，相對同自己實力原來距離咁大時，會覺得點追，重新評估自己，知道自己缺乏好多。跟同期歌手出騷，有陳奕迅、謝霆鋒，個個好有實力，每次到我上台，都會願主保佑，好大壓力！慢慢驚咗做歌手，唔敢再諗。」

談到新歌與監製舒文合作，展鵬說：「佢同我錄音佢都好辛苦，佢好似教緊一個新人咁，因為我個人都有歷史，仲要放低演員嘅身份去唱歌，個過程好迷惘，好似完全唔識唱歌咁，邊度唞氣，邊度用力都唔啱，令自己好迷失，所以要慢慢返屋企做功課同練歌，其實錄完會覺得對拍戲有幫助。」