（香港文匯報 記者 黃書蘭）英國疫情持續嚴重，近期更湧現致命變種病毒，經濟又因脫歐的不明朗而陷入衰退期。為吸納香港的人才和資金，英國早前推出所謂BNO「5+1」入籍政策，企圖將港人變作其「二等公民」。受黃媒誤導，唔少黃絲草率決定放棄香港家園，赴英申請移民。不過，事實係殘酷嘅。現時英國失業率、裁員人數屢創新高，唔少港人英文水準不足、對當地文化了解低，搞到搵唔到工，經濟更係陷入拮据。唔少赴英港人求助無門，甚至錯信「朋友介紹」，俾人呃錢，都呻「貼錢買難受」。英國搵食咁艱難，生活習慣、文化、氣候又令人難以適應，打退堂鼓返嚟香港，睇嚟就係佢哋嘅唯一出路囉！
赴英兩月就回流 被譏頂唔順低資
英國推出所謂「5+1」，唔少黃絲輕率赴英申請移民，抵埗冇耐已經後悔莫及。「港英飛機車大砲」 日前就上載一張「手足」嘅帖文截圖，見到「手足」呻有朋友赴英兩個月就要返香港，仲要轉機同自費酒店接受隔離。唔少網民都話意料中事，「當佢搵到工做，發現得最低工資，扣曬支出後所餘無幾，玩多1-2年，發現頂唔順接受唔到又回流。」該「手足」喺帖文咁話：「朋友由香港用LOTR入咗英國境就呢兩個月，想番（返）香港……今次番（返）香港要住指定酒店隔離21日，我download張酒店list睇，單人房每日最平$450，最貴$5,000。宜家英國番（返）香港無direct flight，仲要先飛去其他國家，即係前後隔離超過21日。」
「有咩本事勁過歐洲人？」
唔少網民都話英國失業率高，可以話係意料中事。「Chi Hou Tang」話：「半年後應該有第一波回流潮，當地失業率咁高，香港人有咩過人能力壓過 LOCAL 同 EU 人？當佢搵到工做，發現得最低工資，扣曬支出後所餘無幾，玩多1-2年，發現頂唔順接受唔到又回流。」
「Billy Haha」就話：「一早大把在英人士講過啦，畀（俾）班非在英人士×到變向日葵。」「Tszon Chan」都話：「香港人三分鐘熱度，頂唔順既（嘅）好快會返來香港……」有網民更細數當地天氣有幾難頂。原名葉鍵濠嘅商業電台節目主持健吾咁話：「天氣真係要適應。一年得10日有太陽既（嘅）日子真係會癲。」「Yu Keung Hui」就話：「我都曾經係（喺）英國讀過書……冬天一個人，九點入班房，四點出班房，全日無見過陽光，然後有少少 depression。」
經常分享英國生活嘅fb專頁「倫敦人妻先生手記」都發帖話：「唔好見到啲KOL過到黎（嚟）好梳乎咁就跟埋過黎（嚟），你點知人地（哋）銀行戶口有幾多錢？每個月賺幾多你知咩？中左（咗）六合彩、俾富豪包、承繼巨額遺產難道又要同你講咩？同埋大家上網都係post開心野（嘢）為主架（㗎）啦，唔通我日×日喺度呻咩？」
幫黃絲搵工翻譯？ 「賣豬仔」唔熟唔食
俗語話「人貴自知」，唔少黃絲喺赴英申請移民後，先認清自己英文差，喺英國搵唔到食。有「手足」日前就喺tg建議，開「人力資源公司」幫條件低嘅香港人喺英國搵工，仲話做埋翻譯喎。不過，唔少網民都笑治標唔治本：「佢嘅意思應該係好似以前咁賣豬仔。」
有「手足」喺網上建議開設所謂「人力資源公司」，幫條件低嘅香港人喺英國搵工，fb專頁「回流英國後的花生爆谷」日前就發帖話：「咁搵（搵）到工之後，個翻譯要唔要將來一齊返工每日翻譯？你哋會認為有個翻譯幫香港人協調，會唔會令英國人老闆更有信心請嗰位有需要嘅香港人？」佢仲標籤：「我諗起福地笑話有人帶家長去見工！」
有網民就覺得開「人力資源公司」幫人搵工翻譯不切實際，只係壓榨黃絲嘅掠水噱頭。「J.T. Freedom Walker」話：「好多放租果（嗰）啲人夠話係幫香港人，結果咪貴人地（哋）當地果（嗰）啲盤一兩倍。」佢又標籤：「唔熟唔食！」「賊性難改！」「Gloria So」就話：「佢嘅意思應該係好似以前咁賣豬仔。」「Sharkdudu Wong」更話：「索性做相親公司假結婚唔好？唔使搞咁多！」
「手足」一係掠水一係嫌棄
唔少「手足」則嫌棄英文差嘅黃絲，話唔值得幫。「Jade Chan」話：「用自己『信用』亂推薦，如果條友爛泥，英國人一定認為成個香港組群係靠關係嘅垃圾囉，係lose lose呀！」「Nat Li」都話：「攪（搞）到好似做社工幫輕度智障既（嘅）患者搵工咁。」「TeRry Tang」就慨嘆：「各家自掃門前雪……」
有網民亦指入籍、搵食都要考英文，「手足」冇人可以靠。「Roger Yu」話：「其實係唔係唔記得5年後要考英文同life in uk 呢？」
唔知行情做阿Q 「碗都冇得畀你洗」
英國為吸納港人資金，早前推出所謂BNO「5+1」入籍政策，令唔少黃絲對移民充滿幻想，但唔少港人赴英後先知現實很骨感。好似喺英國工作假期嘅前旅遊記者Sonia，早前就喺英國失業7個月，日前佢接受電視訪問時就話，有朋友喺當地仲失緊業，亦有港人俾人呃，道出歐洲應徵者喺英國比香港人有優勢嘅事實。不過，呢番話就惹嚟fb專頁「90後移民英國打工實錄」發長帖批評：「唔好對自己嘅經驗『妄自菲薄』」喎。搞到Sonia都忍唔住發帖反駁：「英國經濟好差，失業率高係事實……你想洗碗都無碗比（畀）你洗啦。」
哈英專頁煽念力搵工得啖笑
就Sonia日前喺電視節目話英國經濟差，港人喺當地求職冇優勢，搵工好難，「90後移民英國打工實錄」日前就發長帖指責佢放負：「唔好對自己嘅經驗妄自菲薄……每個行業都有佢嘅demand and supply（需求供應），唔能夠話死搵（搵）係要做同一行架（㗎）喎……唔知點樣去prepare（準備）個interview（面試）啦，亦都唔知其實send（寄）咗幾多CV（履歷表）出去啦，send出去嘅CV有冇tailor-made（特製）啦……一句『八個月搵唔到工』冇咩參考價值……點解唔可以正面啲話『我唔使一年就搵到工喇』……」
俾人教授「阿Q精神」，Sonia就喺fb以「呢位Page主既（嘅）邏輯真係令我笑死，大家真係要小心過濾資訊」為題發帖反駁：「唔知佢係（喺）邊度見到我地（哋）有講過話『係要做同一行』，而且我成日都話英國經濟好差，失業率高係事實，我之前就算係請廚房助理/髮型師/CS（客服）都幾百份CV（履歷表），Demand（需求）大競爭都大，你想洗碗都無碗比（畀）你洗啦。」
佢話：「我之前YouTube都有分享過一D搵工技巧同提醒大家要Tailor Made CV（特製履歷表）……另外我無記錯呢位Page主好似係喺英國打算做地盤，係咪諗住叫曬（曬）全香港移民既（嘅）專業人士去英國做地盤？……你自己又失業過8個月未？思想正面少少係咪就可以即刻進行光合作用當飯食？」
唔少網民都笑有人逃避現實，講嘢不負責任。「好pure好true」話：「真話唔係個個鍾意聽！」fb專頁「活在本初子午線 My Life in GMT00」就話：「而宜家好多人，自己喺英國腳都未企穩就教人呢樣果（嗰）樣，真係有經驗就話啫，好多其實都唔知自己做緊咩，×Up（噏） 真係唔使負責㗎！」
「Kevin Ho」就話：「好多人好快會撞板，周街都係世界各地elite（精英）同專業人事（士），要問自己無network（人際網）同 local experience（當地經驗），無當地專業牌，employers（僱主）會點唸（諗）？」
「Alfred Poon」亦揶揄一番：「只要有大愛，就一定搵到工作，最多無糧出咁解！做人一定要正面思考，就算兩三年搵唔到工，也可以當做一種磨練，順便可以學習光合作用產生養份，以天為幕，地為床，學習戶外生活，唔洗（使）交租！仲有，必要時英國政府一定睇住你！用對眼！保證！」
「手足」喪鬧黃中產：「煽人暴衝自己鬆」
攬炒派前年煽搞黑暴，一句「齊上齊落」令逾萬人涉嫌違法被捕，其中學生更佔四成。不過 ，隨着英國推出所謂「5+1」，唔少當日有份慫恿黑暴嘅中產黃絲，都話要移民英國。唔少「手足」都鬧爆班「同路人」「叫人衝，自己鬆」：「咁嗰一萬個俾人拉嘅崗位就係做condom……」
好似網民「永瀆雲爺爺」日前喺「連登」以「好心你班中產揀移民既（嘅），當初就唔好推班後生仔出嚟」為題發帖話：「今時今日你班中產個個話走，如果當初揀移民既（嘅）咁班後生唔會同你搏命，係你地（哋）欠咗班後生，依家班後生既（嘅），死既（嘅）死、 傷既（嘅）傷、『 失蹤既（嘅）失蹤』，仲未計大量定咗罪，點移民？一班後生既（嘅）前途就比（俾）你地（哋）呃咗，自己坐享其成， unun腳走佬，仲美其名話自己打國際線，收下×啦×你老×！」「為生活移民既（嘅）唔×係同路人！」
違法「前線」變曬「歸英祭品」
唔少「手足」都深有同感，鬧班所謂「同路人」過河拆橋。「沁碎小曖」話：「其實佢（樓主）意思係，前線出黎（嚟）係因為『齊上齊落』，『煲底見』，『以死相博（搏）』，但似乎現實係黃絲冇真係去到口講咁盡，反而係半放棄呢場『運動』」「人生有22」就話：「咁嗰一萬個俾人拉嘅崗位就係做condom……」「SuhrSignature」都話：「人性本惡，只有為利益而『同路』！」
但有網民就覺得係「手足」無腦，自己攞嚟。「T九」話：「所以我不嬲話on×先反政府，明知班中產會走，比（俾）人捉既（嘅）後生唔抵可憐。」「龔仁富大哥」就話：「美其名向個政府抗爭，其實就破壞社會，啲『勇武派』都係欺善怕惡，絕大多數都係搞手無寸鐵普通人同商戶，見到警察好似啲曱甴四圍跑，但就夠膽放火燒異見人士，自己冇能力移民就唔抵得班中產可以。」「GME股神（破產）」亦曲道：「你死你事，我移民先，你班×街唔去死，邊會有人比（俾）我地（哋）移民！」
貪英減免印花稅 港人買樓變水魚
英國早前因應經濟蕭條，減免物業印花稅救市，至下月底結束，唔少想移民英國嘅黃絲卻以為有着數，雞咁腳過去買樓，隨時貪字得個貧。網民「Annie Ng」日前就喺fb專頁「英國香港人生活交流區」發帖，話佢家姐為趕印花稅減免結束前買樓，經香港人朋友介紹搵咗個收3,000英鎊嘅裝修判頭幫手，點知個裝修判頭喺幫手協商買屋時，竟擅自接受業主抬價，仲呃人哋價錢包傢俬，最後買唔成，又老作藉口唔肯回水。買樓都「趕住去投胎」？梗俾人當做「水魚」啦！有網民咁話：「貪心總是容易畀（俾）人呃！」
「Annie Ng」日前發帖講：「家姐想趕3月31日前成交，一路係咁睇樓。咁啱，香港人朋友介紹，識左（咗）個builder（叫佢做A），A又講到自己識好多律師，surveyor。 一定3月31日前搞掂，可以幫家姐慳印花稅。收£3,000，包俾（畀）律師費同surveyor report 費用……A話若買唔成功，可退£3,000。A就勁積極幫家姐make offer一間心儀的屋，又代表佢同律師傾。中間，agent話業主抬高左（咗）價，A自己代家姐accept（應承）左（咗）。仲呃我家姐係包傢俬價錢。」
賣家裝修商律師鬥耍太極
「最後，間屋有d（啲）問題，放棄左（咗）買。請A退返錢時，可能覺得無得賺裝修費。A就用好多藉口，話俾（畀）左（咗）一部分律師費，及已full paid surveyor report。 雖然surveyor report 未做，佢話要等survey company退錢先，先可退返俾家姐。同埋，話survey Co. 會有取消booking手續費。太多藉口，咁就自己問律師及survey co.，律師話收錯取消買賣費用，已退返錢。survey Co. 就話無收過錢，亦無咩取消booking費用。」
「Annie Ng」仲話擔心個裝修判頭唔會退錢，又質疑點解律師都會收錯錢，又無單據：「因A為求賺錢，不揀（擇）手段。疑心重的我，會覺得A同律師夾埋。但律師是property agent介紹的，點會為少少錢咁樣做？」唔少網民都覺得「便宜莫貪」，一聽個裝修判頭包咁多嘢，就知係伏。「Ringo Ho」話：「一個騙，一個極貪，一拍即合。係冇可能乜都包㗎！英國有啲律師係收現金㗎！聰明應該知道點解律師要收現金啦！咁你明點解會收錯錢啦！」「Lea Nne」就話：「英國買屋冇中介費，agent fee是收賣家，訂金也是交給自己律師，也有律師no completion no fee，一開始就先收費好重騙案味。」
「Annie Ng」喺回應時就認貪心：「因為有貪同急的成份麻（嘛），急3月31前，貪方便，貪stamp duty holiday。有位俾人入。」「Shirley LY Koo」都話：「所以唔好抱趕住3月31日前complete心態，如果唔係間屋唔啱或比（俾）人騙仲衰！」 有網民則認為事件只係冰山一角。「Victor Li」話：「一如所料，買樓苦主陸續出現。買定大量花生待睇戲！」
0
已點過讚
0 / 255