香港文匯報訊（記者 梁靜儀）談到何哲圖將於本月底離職，曾志偉將全面掌管音樂及綜藝節目，張振朗表示：「呢啲公司安排，我哋都係跟住做。」高海寧（高Ling）則說：「做好眼前工作，希望公司有更加好發展，我哋會帶畀香港觀眾更加多歡樂，（會唔會有什麼期望？）我好想拍真人騷，我見好多內地真人騷，有幫女藝人介紹男朋友，好似陳喬恩都係因為拍真人騷而識咗男朋友，仲有好多遊戲競技節目，覺得好好玩。」振朗就希望拍攝好刺激的節目，挑戰高難度的玩極限運動，他不怕危險。 高Ling又稱還想拍攝荒島求生的節目亦都好玩。

曾主唱劇集歌曲的振朗，被問到會否自薦加入星夢唱片？他說：「我一向都係拍開劇，唱歌係Bonus，睇公司及監製點安排，如果想叫我唱一定唱。」

談到無綫綜藝科變天，星夢唱片將由曾志偉掌管，糖妹稱唔清楚：「自己係出面公司， 所以唔知呢邊變化，從記者口中知道，呢個時勢做歌手有得上《勁歌金曲》、《流行經典50年》，有得唱吓Live已經好開心。」問到跟志偉是否有交情？糖妹說：「之前合作過《女人俱樂部》， 我同佢新抱王敏奕熟啲，（拉攏你加入星夢？）唔關事嘅，志偉哥入嚟應會有佢嘅使命，相信會公正，我哋啲細唔會猜測，（會否想加入星夢唱片？）已同唱片公司有好長合約，老闆好錫我，暫時未有其他考慮。」