（香港文匯網記者 梁靜儀）高海寧(高Ling)、張振朗、黃山怡 (糖妹)、張頴康、袁文傑及楊卓娜等今日出席新劇《童時愛上你》(暫名)造型記者會， 高Ling和張振朗首次飾演情侶，二人在台上合照時，高Ling搞笑地彎遷就振朗的高度。中高Ling透露劇中飾演一名因跌傷而失憶，令到智商返回八歲的女仔，要振朗重新教她做人，表了揣摩角色都有特別留意身邊朋友子女的動態。振朗問到高Ling是否都想生個B? 高Ling笑說:「你知造人唔係一個人㗎嘛!」
二人之後一起接受訪問，高Ling表示同振朗合作，最擔心就是兩人都是笑點較低，忍不到笑而頻吃NG。不過振朗就比較擔心二人的高度問題，他坦白說：「我會著增高鞋，不過服裝部都醒目，預備o咗對兩吋高增高鞋畀我出席活動。」問到高Ling與振朗拍劇時會否唔穿高跟鞋?她竟說:「我同佢o的戲份係唔著o架。」振朗聞言即反問:「嚇!唔著?」高Ling笑指是唔著鞋。
振朗自爆在劇中又要再除衫，他苦笑指之前為了拍《拳王》已經因為要操fit要戒口，拍完劇之後已經回復正常食量，但現在又要重戒口。身旁的高Ling就大讚他身形線條好靚:「我睇過佢張相，好fit呀，Oh my god!線條靚到...... 」振朗就笑叫高Ling要低調一點。
另外，談到星夢高層何哲圖將於本月底離職，曾志偉將全面掌管音樂及綜藝節目，振朗說示：「呢啲公司安排，我哋都係跟住做。」高Ling則說:「做好眼前工作，希望公司有更加好發展，我o地會帶畀香港觀眾更加多歡樂， （會唔會有甚麼期望？ ）我好想拍真人騷，我o地好多內地真人騷，有幫女藝人介紹男朋友，好似陳喬恩都係因為拍真人騷而識o左男朋友，仲有好多遊戲競技節目，覺得好好玩。」振朗就希望拍攝好刺激的節目，挑戰高難度的玩極限運動，他不怕危險。 高Ling又稱還想拍攝荒島求生的節目亦都好玩。曾主唱劇集歌曲的振朗，被問到會否自薦加入星夢唱片?他說:「我一向都係拍開劇，唱歌係Bonus，睇公司及監製點安排，如果想叫我唱一定唱。」
糖妹相隔一年再拍劇，劇中她與張頴康飾演一對，其角色更要講馬來西亞話。身型嬌小的她又自爆試造型時的笑料：「我試角色其中一個比較娘嘅造型時，件衫原本要露腰，但工作人員冇預到我腰短，所以摺來摺去都未露到腰。」
談到無綫綜藝科變天，星夢唱片將由曾志偉掌管，糖妹稱唔清楚：「自己係出面公司， 所以唔知呢邊變化，從記者口中知道，呢個時勢做歌手有得上《勁歌金曲》、《流行經典50年》，有得唱嚇Live已經好開心。」問到跟志偉是否有交情？糖妹說：「之前合作過《女人俱樂部》， 我同佢新抱王敏奕熟啲，（拉攏你加入星夢？）唔關事嘅，志偉哥入嚟應會有佢嘅使命，相信會公正，我哋啲細唔會猜測， (會否想加入星夢唱片？)自己同唱片公司有好長合約，老闆好錫我，暫時未有其他考慮。」
0
已點過讚
0 / 255