香港文匯報訊（記者 梁靜儀）《衝上雲霄大選》 將於本周六晚舉行，前晚15位參賽者獲安排跟龔嘉欣、羅天宇、林景程重演熱播劇集《香港愛情故事》部分情節，龔嘉欣與麥大力重演小巴上求婚一幕，令她大呼感動，而羅天宇就跟史穎喬示範深情對望，未到5秒他已害羞得滿面通紅，被龔嘉欣踢爆︰「天宇喜歡呢類型女仔。」

事後龔嘉欣感慨地表示見到參賽者的表現，令她不禁想起13年前剛入行的自己，羅天宇就笑說：「自己入行5年都唔夠佢哋演得咁好，非常自卑，參賽者眼神好有戲，又熟讀對白交到戲，我入行時連人哋對眼都唔敢望。」說到他與史穎喬深情對望時臉紅，問到對方是否他鍾意的類型？龔嘉欣即笑說：「係呀，佢鍾意眼大大，你睇返佢以前嗰啲。」不過羅天宇就否認，並尷尬地說：「只係覺得佢哋場戲做得好好，無諗呢啲，唔係我杯茶。」龔嘉欣亦笑稱羅天宇不是她喜歡的類型：「因為佢比較怕醜，令到我喺劇中要主動攬同錫佢，現實中我唔係咁主動。」

兩人主演的《香》劇前晚播映大結局，問到可有聽聞會開拍續集？羅天宇說：「唔知道，當然希望，都想知道每個角色之後嘅去向發展，係咪會生BB。」龔嘉欣笑他說：「你咁快就諗生BB？」

史穎喬透露大選當晚將會表演韓風舞。談到她跟羅天宇對望，她大讚說：「羅天宇好靚仔，被佢電親， （但羅天宇話你唔係佢杯茶？ ）可能有日我有機會成為佢杯茶啦。」被指是麥明詩緋聞男友的盛勁為透露大選當晚會表演唱歌，並承認曾向麥明詩請教意見，對方亦很樂意給予意見。