香港文匯報訊（記者 梁靜儀）昨日馬國明（馬明）、袁偉豪、黃智雯、蔡思貝、黃翠如及康華出席台慶劇《使徒行者3》之「終極聖誕任務」活動，眾人分組玩猜枚遊戲，與翠如對猜的馬國明，反應十分慢，相比之下袁偉豪與蔡思貝就投入得多，事後馬國明笑言因平日甚少猜枚。馬國明與袁偉豪今年都入圍角逐台慶頒獎禮視帝，馬國明就貼自己今年不會冧莊，並笑言求財更實際。而袁偉豪慨嘆去年拚命演出仍沒法稱帝，馬明則安慰偉豪：「娶到老婆，仲好過攞視帝。」

今年馬國明與袁偉豪都憑《使徒行者3》有份競逐台慶頒獎禮「視帝」，馬國明認為今年好平均。問到他不睇好自己嗎？他說：「年年都唔會貼自己，今年覺得袁偉豪唔錯，幾OK，係其中一隻黑馬，我又唔覺得邊個係大熱門，睇吓邊個好運啲，TVB同事好勤力，有實力嘅演員好多，其實每年個獎都係唔夠分，只不過睇吓邊個好運就攞到。（可想今年冧莊視帝？）唔諗呢啲嘢啦，最好都係畀錢我。」他又認為得獎與否，與藝人能否吸引更多廣告無關係，客戶認為適合就會邀請。

被馬國明睇好的袁偉豪，表示今年只得一套劇參加頒獎禮，問到可覺得會延續結婚的好運奪得視帝？他笑說：「已經夠㗎啦，娶到老婆已經好好運。」馬國明就笑說：「娶到老婆仲好過攞到視帝，結婚係人生大事，搵到伴侶係一世，真係好過攞獎。（你出年娶老婆？）我再話畀你聽，近排同陳豪一齊開工，佢話建立家庭生小朋友，呢啲係好過晒所有。」

黃智雯生日獲男友送驚喜

問到袁偉豪可想得視帝？他坦白說：「我最想攞嗰年都冇機會，就係畀馬國明攞咗，正如馬明所講，我都明白要睇運數，要睇個角色觀眾喜唔喜歡啦，往往付出同個演出未必係成正比，好真心經過上年之後我就放開晒。（上年攞唔到視帝好心酸？）梗係心酸啦，我減咗20磅，係用生命去演出，但係個角色當時就唔係好受歡迎，所以冇辦法，所以咪要睇開，人生除咗工作上亦有其他嘢可以去享受，好似結婚、組織家庭生小朋友，所以呢年幾對自己來講都幾反覆，到最後能夠自己都睇得通某啲關口位會開心啲，唔會鑽牛角尖。」他續稱都睇好王浩信、苗僑偉、林峯、馬國明有機會得視帝，覺得每年一定有人歡喜，有人失落。

前日是黃智雯38歲生日，活動尾聲時工作人員推出蛋糕為她補祝生日，智雯表示今年生日適逢是冬至，可以順道同家人食飯慶祝，過一個簡單又開心的生日。問到她男友有何表示？智雯甜笑說：「男友每年都有驚喜畀我，佢比起我更有心思，我向來都好大懵，唔記得人哋生日，反而男友一早有準備，餐飯都係佢準備，仲有份禮物，好surprise，呢份禮物係自己想要亦都好實用，近日因疫情關係鍾意咗打遊戲機，我打機一向都唔叻，不過男友準備咗一個新遊戲畀我，可以一齊去完成任務都好好玩。」

蔡思貝聖誕無約胡鴻鈞

蔡思貝有份演出的台慶劇《使徒行者3》及《踩過界II》都將播映大結局，她表示聖誕會留在家中食飯及睇電視度過。問到她可會買禮物送給緋聞男友胡鴻鈞？她即扯開話題稱現時用來買禮物的錢差不多都用在賴慰玲兒子身上，再追問她會否買禮物給胡鴻鈞時，她裝傻反問：「邊個嚟㗎 ？ 」她又稱胡鴻鈞聖誕沒有約會她，她應會留在家中過節，問到會否邀對方到其家中一齊慶祝？她笑說：「我屋企好細，唔夠裝，Full House。」黃智雯就指胡鴻鈞最近經常在她的社交網站留言相當百厭，又留言催她結婚好曳。