阿叻陳豪山聰領TVB 20年金牌 韓馬利經歷大病感恩仍精靈

香港文匯報訊（記者 梁靜儀）無綫昨日於電視城舉行《長期服務暨傑出員工榮譽大獎頒獎典禮2020》，雖然第四波疫情來勢洶洶，但昨日出席的逾百職藝員仍然無懼，齊齊脫下口罩上台影大合照。

今年榮獲長期服務獎的職藝員合共有252人，其中有7位服務滿40年，46位服務滿30年，86位服務滿20年，服務滿10年的就有113位。同樣效力了無綫40年的資深演員韓馬利與助理總經理曾勵珍，二人均獲贈二両重足金金牌，服務滿30年的藝員包括鍾志光及蘇恩等；而陳豪、陳山聰、陳百祥（阿叻）、林淑敏及歐瑞偉等獲服務「20年金牌」，陳庭欣、翟威廉、莊思明及周志康等則獲贈服務「10年金牌」。

適逢昨日是阿叻的70歲農曆生日，全場為他唱生日歌祝賀，台上他笑指自己1970年簽無綫做第一個騷，故應該是入行50年，就算計他1978年重返無綫，亦不止20年。阿叻受訪時表示很開心，但好奇公司為何會頒發服務20年金牌給他：「應該係50年，就算我中間曾轉簽邵氏同出去做生意，無論計我1978年返來，定係1994年重返無綫，左計右計也唔止20年。」問到正日（3號）生日如何慶祝時，阿叻指今年生日與朋友在馬場慶祝，愛駒更首次跑頭馬當作賀壽，亦收到很多禮物。談到生日願望，他認真說：「希望疫情真正過去，大家生活回復正常，呢個世界無人知以後會發生咩事，最低限度唔好畀疫情繼續爆發，我心願係香港慢慢安定下來，疫情過去，大家豐衣足食。」

效力了無綫40年的韓馬利表示自己很熱愛工作，但自從去年經歷一場大病後，體會到健康的重要，問到會否減少工作？她說：「能夠好返真係好感恩，因為我有啲朋友都患過腦膜炎，有啲醒咗認唔到人，喺護老院要人照顧，但我起碼仍係好精靈，我好感恩，所以會好好思量以後的日子做有意義的事，加上本身是基督徒，都希望以傳福音為主。」

陳庭欣常到翟威廉店打卡

過氣緋聞男女陳庭欣（Toby）與翟威廉，近日被拍到在私竇密會，Toby被指背男友跟翟威廉有曖昧，昨日二人一起現身頒獎禮，對於再傳緋聞，翟威廉解釋：「我哋有個群組，係十年前組成，當中有羅浩銘，佢今年喺台慶贏咗5萬蚊獎金，照慣例一定要請我哋食飯，因為我當年贏咗1萬蚊獎金，都食咗8千蚊，侍應找返500蚊都畀佢拎去搭車，今年因為限聚令，佢好好彩只可請4個人，佢精心挑選咗3個人，因為限聚令關係間餐廳太早收，所以就去咗我間酒舖傾偈。」說到Toby現時已有男友？Toby說：「有男朋友都可以有男仔朋友，（男友可介意？）我都有同男友講返報道，男友亦早知我當日約了翟威廉等人去食飯，我成日都去佢間舖打卡。」

另外，莊思明對於政府周四起食肆晚6朝5禁堂食，她表示都已有心理準備，不太驚訝，她說：「我都覺得近期嘅疫情太過嚴峻，可能之前放寬咗，大家都放鬆咗，會有啲聚會，所以個疫情好似無止境，我覺得政府要做啲強硬嘅措施都係合情合理，我哋一定會配合。」她又稱吸取了之前不准堂食、只准外賣的經驗，所以推出了更多外賣食品，又會有盆菜及湯包，讓大家可以在家慶祝節日。