香港文匯報訊（記者 梁靜儀）李施嬅、陳展鵬、天堂鳥BOP、Bingo成員關嘉敏（Carman）和陳康琪（Odilia）等，昨日到銅鑼灣為一家食肆擔任開幕嘉賓，陳展鵬因趕時間未有接受訪問。

李施嬅表示昨日以朋友性質出席活動，因食肆老闆曾投資其單曲，而她稍後會再推出另一首自己作曲的新歌，雙方都有傾再合作。施嬅透露剛完成《金宵大廈2》拍攝，下月將飛加拿大繼續拍《Blood and Water》第3季，暫定年三十晚完成，適逢大年初一是她的農曆生日，打算留在當地與媽咪一起度過，她說：「媽咪喺多倫多，家當地每日都過千宗確診，都擔心，會買定消毒用品，劇組都會做好安全措施。」

對於近日有指無綫為造就王浩信再奪視帝，擱起陳展鵬主演及唱主題曲的新劇《唐人街》，施嬅表示：「應該唔會嘅，花邊新聞，（浩信應該唔會再攞視帝？）唔係，佢演技好，有機會，但商業立場就會捧第二啲人，浩信演技大家都認同。（關合約問題？）我唔知喇。」

談到好友胡杏兒在內地節目《演員請就位2》獲獎，施嬅大讚杏兒：「真係好叻，唔止演技，仲有語言，咁短時間記到國語對白，好流利有晒感情，『胡說八道』裏只得佢一個做到，呢刻都覺得自己未必做得到，香港演員喺內地節目贏到真係好犀利，為佢感到驕傲，遲啲等佢返嚟慶祝。」