香港文匯報訊（記者 梁靜儀）羅仲謙相隔4年再為無綫拍劇，盛傳他是為了爭視帝，昨日他出席劇集宣傳活動時，就否認想爭獎，又笑言自己只是陪襯，反而睇好拍檔張曦雯（Kelly）會得獎。

羅仲謙、Kelly、張秀文、韋家雄及徐榮等，昨日到將軍澳電視城出席劇集《木棘証人》「証人保護計劃」活動，眾演員以劇中造型亮相。羅仲謙表示相隔4年再拍無綫劇，自覺變化不大，但無綫卻多了不少生力軍：「好似Kelly力捧緊，自己都幾好彩，好多時都同生力軍合作，有啲合作過就攞獎，（你老婆楊怡？）佢係前輩喎。」Kelly大讚羅仲謙是好前輩及好好的男主角，很照顧大家，合作得很開心。羅仲謙在劇中飾演便衣沙展，更先後與飾演拜金女的張秀文及大律師的Kelly有感情線，Kelly透露劇中會有又打又鬧羅仲謙的戲份外，兩人更會有多場咀戲，她笑說：「呢套戲應該係我最多錫戲嘅一部，唔知點解。」問到羅仲謙會否讓太太楊怡睇他與張曦雯的親熱戲？他笑說：「有得唔畀？佢仲經驗豐富過我。」

想讓觀眾看到有進步

Kelly表示即將開拍《白色強人II》，稍後另一齣劇《踩過界II》亦會緊接《木》劇播出。問到是否想爭視后？她謙虛說：「冇，一定唔會（羅仲謙旺女主角？）咁攞多次『飛躍』啦，呢套劇係我去年喺美國讀完演技課程之後拍的，希望大家睇到我有進步啦。」 羅仲謙被問到有指他拍無綫劇是為了爭視帝，他自言只是陪襯，之前曾有幾年被提名「飛躍進步男藝員」，但就從未得過獎。問到今年可有信心得獎？他笑說：「希望套劇口碑好，大家睇得開心就得，個人獎項反而睇得唔重，我將自己啲運氣畀埋Kelly，（睇好Kelly得視后？）如果公司真係畀，係一個鼓勵，推動做得更好，Kelly將播出的兩套劇都有唔同性格，可塑性好高。」

另張秀文透露近日與崔健邦（Amigo）合作主持清談節目《諸朋好友》，Amigo會邀請他的圈中好友上節目，而她的角色就負責做「醜人」，問嘉賓一些難以啟齒的問題， 首集嘉賓是姜皓文。問到她可有問對方的黑歷史？秀文說：「每一個人都有拚搏、高低潮嘅時候，點樣去過呢？（驚唔驚得罪人？ ）其實我成日都得罪人㗎啦，不過我會笑返多啲，人哋又會原諒我，大家都會明白，同埋錄影前後我都會同嘉賓打個招呼先。」