夥逾百位舞者快閃飆舞 VIVA「一鏡到尾」勁熱血

香港文匯報訊 女團VIVA為宣傳新歌《FOMO》，日前率超過130位舞者殺入利東街，上演「一鏡到尾」快閃。VIVA邊唱邊跳，聯同近二十組舞者由街頭舞到街尾，最終匯聚過百人齊齊大跳《FOMO》，整條街頓時變成巨型舞池。拍攝雖在上午進行，但途人看到不捨得走，不少人也跟着一起跳。

片段一出，網民瘋狂洗版，大讚「好熱血，feel到大家都好熱愛跳舞」「大癲，香港需要有呢啲！」。事後VIVA回憶排練時已覺得癲，未料到真能召集到咁多人一齊玩。

VALC難掩激動，直呼夢想成真：「看到大家努力學習、編舞，並為這首歌注入自己的色彩，真的很感動。」Carina大讚整件事充滿熱血與青春，感謝每位舞者的投入。「嗰日見到每一位，就算係跳唔同嘅舞種，表演嘅時候對眼都係發緊光。」Macy則大爆拍攝秘辛，表示自己當日身體不適，卻在眾多舞者的支持下堅持完成呢個好型的任務，「一定唔可以甩同淆底。」而Ada更是感動到眼濕濕：「我真切感受到香港跳舞社群的力量，雖然大家跳到身水身汗，但絕對值得。」VIVA表示，如果反應好的話，快閃活動將會陸續有嚟。