香港文匯報訊（記者 梁靜儀）馮允謙（Jay Fung）全新專輯《LOVE & LOSS》昨日推出，為配合主題頸後更有「紋身」，而手臂和臉上亦有傷疤特技化妝，像真度極高。
Jay Fung今年多首派台歌都有傑出成績，包括《報復式浪漫》、《Freakin' Nightmare》、《給缺席的人唱首歌》及《Take A Breath》等，全部都登上流行榜冠軍位置，當中《報復式浪漫》更獲得五個台流行榜的第一位，為Jay Fung帶來首個大滿貫紀錄，而新歌《Me And The Moon》充滿節日中單身寂寞感，亦廣受歡迎。
談到新碟主題是「LOVE」同埋「LOSS」，即是「愛」與「失去」，問到為何會有這個主題？Jay Fung說：「2021年嘅時候，我感到屋企人、朋友，Fans都畀咗好多愛我，開始做新碟時寫好嘅歌關於『愛』，旋律比較輕快和開心，所以就創作咗甜蜜情歌《報復式浪漫》。」
之後Jay Fung的創作亦隨着經歷和感受而改變，他說：「大約今年3月時感到好忙，好多事情發生，無得放假，寫咗一首《Freakin' Nightmare》。7月舉行咗我首次個人演唱會，好可惜嫲嫲嚟唔到，我寫咗首歌《給缺席的人唱首歌》送畀嫲嫲。今次專輯除咗愛情歌，仲有啲歌寫失去和遺憾，紀錄我嘅成長階段，影嘅相亦都比較成熟。」
今次全新專輯走成熟風格，用沉實色調。唱片封面Jay Fung頸後有「紋身」，手臂和臉上有傷疤特技化妝，他笑說：「大家唔使驚，唔使心痛，係特技化妝，好似呀！」為配合拍攝概念，Jay Fung的情緒低落了大半天，拍攝期間還眼紅紅，他說：「LOSS部分設計師和攝影師想用傷和痛去表達，除咗以紋身和傷疤化妝加強感覺，仲影好多感覺好沉重嘅相，拍完成個人情緒down咗好耐！呢個經歷好特別，有少少辛苦，但出嚟啲相我好滿意，同平時嘅我好唔同，畀大家見到我另一面。」
0 / 255