個個都話要買《蘋果日報》，真係個個都想買咩？日前《蘋果日報》正式收檔，終止咗以新聞自由為藉口擾亂社會嘅行為，不過佢死之前都要印100萬份谷銷量，攬炒派就係咁吹噓好多人排隊買，事實上就有唔少蟹貨周圍有人求轉手。所謂嘅「全民撐《蘋果》」，除咗攬炒派有人會信㗎咩？
噚日，一名叫「Hiuman Wong」嘅網民喺facebook群組發帖，話6月25號上晝9點31分，喺元朗朗屏邨街市門口一個報紙檔度仍有大量《蘋果日報》，自爆個老闆話堆《蘋果日報》係幫前日送貨個司機散貨，但就聲稱係前日個司機「攰得滯瞓咗」，唔知係咪要瞓足一日一夜先會第二日先送到呢？
網民「Wing Sze」就質疑所謂好多人買《蘋果》嘅講法，其實係好多人篤數：「如果係正常速度售賣，根本冇可能咁快賣晒，咁大量……肯定係有人成百份咁買……」「陳展立」就話：「前晚4點半，我去到報紙檔已經見到『×生100份，×小姐30份，×生60份』一紮紮咁……應該係啲人怕賣唔到100萬份，所以之前俾（畀）定錢買先……」「Wing Sze」繼續話：「但係我淨係講佢而（𠵱）家圖片呢一批＋另一張相車上面果（嗰）批，如果正常每人幾份，1個鐘頭冇可能咁快賣得晒。」
網民「Roy Lee」噚日亦喺facebook群組發帖，話有牙科醫生放咗《蘋果日報》畀人攞，而「KaiNa Yu」話公司有《蘋果》多，想幫手散出去：「有《蘋果》多，仲有人需要嗎？」哇，說好的「一報難求」，竟然真係多到周圍問有冇人要，呢個咪攬炒派想像同現實嘅差距囉。 ●香港文匯報記者 鄭治祖
0 / 800