馮允謙夥孖生弟MV演情敵 創意拍攝手法激發搞笑細胞

香港文匯報訊（記者 余雁）馮允謙全新英文作品《See Through Ya》MV，以模仿定格動畫的「Stop motion」方式拍攝，演員需要做出連串關連性的靜止動作進行拍攝，雖然有一定難度，但故事場景以輕鬆搞笑為主，反而激發出馮允謙潛在的搞笑細胞，孖生胞弟Tim首次參與哥哥的MV，兩兄弟扮演情敵。飾演馮允謙女友的日籍女模坂部佩莎（莎莎），原來也是搞笑能手，她飾演對Tim一見搭糖、嫌棄馮允謙的野蠻女友，獲導演及現場的工作人員大讚好演技。

《See Through Ya》由馮允謙親自作曲，並再度與胞弟Tim一起填詞。馮允謙說：「《See Through Ya》嘅中文意思係『睇穿你』，即係講一個男仔同女朋友拍咗一段時間拖，拍到麻木咗以為呢個女仔好好，後來終於睇穿咗，呢個女仔唔係想像中咁好。」問他們為何會用這個主題作詞，馮允謙解釋道：「首先要講今日好開心，第一次可以同孖生細佬Tim一齊拍MV，其實呢首歌幾年前已經寫好，至於歌詞靈感，係我哋平日同啲朋友出嚟傾心事，發覺好多人都對自己另一半有啲行為好睇唔過眼，所以希望講呢個主題。」Tim透露作歌過程相當順暢，只用了幾個小時就作好首歌。Tim話口未完，哥哥突然爆料：「加上係阿Tim嘅親身經歷，所以特別有好多感受，你係咪遇到啲唔好嘅對象？」不知所措的Tim，最後只能對着鏡頭說「next question（下條問題） 」避開尷尬場面。

至於今次MV女主角、日籍女模莎莎飾演馮允謙的野蠻女友。拍攝前，導演琪琪與三位演員講解「Stop motion」的拍攝方式和內容，馮允謙意見特別多，想出不少搞笑情節，全因私底下的他，經常會做很多古靈精怪的小動作引同事發笑，而莎莎亦全力配合導演與馮允謙的要求，做出了連串「放生電」引Tim注意的誇張搞笑動作。