一度因監製狠批演技感挫敗 譚凱琪感激劇組付出 盼獲獎

譚凱琪（Zoie）在近日坊間討論度甚高的劇集《俠醫》中，飾演患有自閉症的羅穎茵，其演出得到不少觀眾肯定。日前Zoie接受香港文匯報專訪，談到當初監製陳萍找她演出穎茵一角時，雖然感到很大挑戰，但都一口答應演出，後來才發現的確很不容易。

Zoie談挑戰演自閉症角色說：「好多細微位要（捕）捉得到，尤其個神髓或望人啲感覺，當刻唔係好有信心做到，驚累街坊，但既然監製搵得我，都係一個好好嘅挑戰，於是就喺個多月有限時間內用做足功課，又去探訪。」她還記得開拍前監製特地相約她，講解其角色所遇到的事情，然後她要即場演給監製看，拍戲多年，她還是首次這樣排戲，而且還不只一次，還有首天開工，監製再約攝影師將她的演出拍下來再看，她認為都是好事，可讓她更容易投入角色當中。

雖然做足功課，但開工初期，Zoie不諱言因拿捏不到角色，加上監製的直接批評，令她大感挫敗：「畢竟都有啲年資，導演同監製都唔會包裝，佢哋嘅意見都係好直接，類似係話我演得似弱智，嗰刻我即刻好想搵窿捐。」不過她仍大呼角色好玩。劇集播出後，Zoie最開心是角色獲女兒的同學讚可愛，還有拍戲期間，幕後的同事都愛扮穎茵講說話無尾音的說話模式。

Zoie入行廿多年，曾演過不同類形角色，更曾在《萬千星輝頒獎典禮》連續5年入圍「最佳女配角」，可惜多次與獎項擦身而過，但她仍覺得自己很幸運可以演到各類角色：「當然都想得獎，真係一個鼓勵，咁多年堅持，都試過好多唔同角色，如果可以拎到獎當然好開心，（今次有冇信心憑角色獲提名？）我要對自己、對劇集一齊付出嘅監製們，係要有信心，因為大家真係有努力付出過，拎到會超開心。」 ●採訪：香港文匯報記者 梁靜儀

攝影：香港文匯報記者 黃艾力