香港文匯報訊（記者 梁靜儀）導演劉偉強突襲《頭文字D》金句場，齊嗌「我要買GTR」，4K修復+杜比全景聲版重映即登港產片票房第一位！
20年前神片《頭文字D》重返大銀幕，寰亞電影推出「鬥爆金句場」，觀眾一齊狂拋對白，全場男觀眾齊講「我買咗件好性感嘅泳衣」，非常震撼。門票開賣即爆滿，反應熱烈，不停加場。而《頭文字D》4K修復及杜比全景聲版重映即登上港產片票房第一位！
劉偉強導演前晚突襲其中兩場「金句場」，因為全院滿座，他只好偷偷坐在樓梯位，感受觀眾鬥講金句的威力。映後，劉導驚喜現身，觀眾爭相拋出心水金句「三萬蚊過夜」，亦有人邊講「我唔會輸俾同一個人Twice」邊做招牌動作，非常熱鬧。劉導說：「好開心，我知道有呢場『金句場』，今日特登返嚟。我嘅金句係『我要GTR』，當年拍呢套戲，我個仔10歲左右，佢睇完戲就不停話『我要GTR』。嗰啲『三萬蚊過夜』係你哋大人嘅金句！」
不少觀眾表示第一次入戲院睇《頭文字D》，有人即場要求劉導推出4DX版，他一秒答應，全場歡呼。他說：「明年呀，考慮緊整《頭文字D》館，有你哋講嘅感受。」身為電影攝影師之一，劉導自豪地說：「好多鏡頭都由我揸機拍，由車碌pan入車廂、好準確咁pan到AE86衝出嚟，其實好難。我諗後繼無人，因為真係太危險，所以我要親自揸機。有啲鏡頭，架車近到就喺我塊面旁邊擦過。呢個都係我唔再拍嘅最大理由，因為真係會死㗎！」
看見觀眾熱情反應，劉導坦言20年前他搵命搏都是值得，他說：「今日見到你哋嘅反應，同埋睇返啲畫面，感覺唔係20年前一嘅戲，好似啱啱新拍出嚟嘅電影，依然好trendy，所有演員都做得好好，都係Lucky！」他笑言：「估唔到20年後仲可以重映，20年後我仲企喺度，仲未死，真係好開心，多謝大家！」散場後，觀眾排長龍請劉導在戲票和海報上簽名和合照，突然變成簽名會。有觀眾以金句「twice」表示會睇多兩次，劉導笑說：「睇兩次點夠喉？睇多十次八次啦！」
0 / 255