林超賢目前正籌備拍攝一部犯罪驚慄片，他透露今次不是純粹的港產片，但也絕不是內地電影，整個組合和故事走向都是港片味道：「現在需更新港片味道，唔好畀人講又係嗰啲！」但談到香港電影市道低迷，內地以及荷里活同樣不景氣，林超賢表示曾經有高的時候來比較便知道現在有多低，但全球大環境都是這樣，也要去面對。林超賢相信港片仍可以吸引到觀眾入場，他說：「大家都知道個原理其實係一個circle，當呢一個點唔得，大家真係唔睇喎，咁你就要走，到幾時喺呢個點返嚟，大家都拍晒手，例如《九龍城寨之圍城》咁好睇，打得好精彩，其實等於以前的《龍虎門》呢種漫畫動作風格，就係好似好耐冇出現，突然又行到呢個點，讓觀眾又覺得好精彩喎。」他認為業界應該多觀察、多變通嘗試。記者追問他將開拍的新戲是否就去了另一個點？他說：「係呀，可能以前警匪動作都係類似嗰樣嘢，但我嘅動作片從來都唔招式化，警匪片冇嗰種嘢可能冇咁吸引，我於是去試驚慄，雖然唔係嗰種打，但也令部戲有凝聚力。」他直言雖然現在未知能否賣座，但起碼有所嘗試。
此外，林超賢公布與張家輝明年再合作拍《激戰2》，記者問12年後的今天會如何再打造家輝的最強Body？林超賢笑言上次家輝已經「身體力行」去征服了大家，而這只是戲中一個環節，其實從人物和精神上怎樣尋回這份自我挑戰的精神，並在今時今日與大家產生共鳴更加重要：「再大隻多一次都冇意義，當時大家都『嘩』咗啦。那份精神更重要，正如現在大家處於困難的時刻，呢個共鳴重於一切！」
0 / 255