香港文匯報訊（記者 吳文釗、子棠、梁靜儀 澳門直擊）今晚身穿白色裙現身澳門活動的劉嘉玲，談到她早前為第43香港電影金像獎頒獎典禮擔任「最佳男主角」頒獎嘉賓，並在台上除了逐一品評候選人，又笑說未來幾年都是由她去頒，今日再問嘉玲是否未來幾屆都是由她頒「視帝」獎？嘉玲笑說：「小寶（金像獎主席爾冬陞） 係咁講嘅，講笑啫，（準備好之後都係你頒？） 唔係呀，搵唔到人先搵我嚟頒獎，我頒最佳男主角話題性夠，我又唔好意思成日搵啲男主角來開玩笑，我喺呢度講聲唔好意思，係因為佢哋寫嘅稿，我再臨場發揮吓，我都好多謝郭富城、劉青雲都好配合，只不過係個騷，有咩得罪千祈唔好介意，（段稿好精彩？）因為我資格夠老。」說到當中品評林峯時，指他「人Chok歌精舞勁」，問到這句是稿還是她自己想？嘉玲說：「稿有嘅，Chok又點啫，慘得過有人鍾意，你又試吓呀！」問到丈夫梁朝偉是否她心目中最靚仔？嘉玲直認不諱說：「梗係啦，不過偉仔唔Chok嘅，佢真係唔覺得自己靚仔，同埋佢都唔介意自己靚唔靚仔，佢好少同我傾其他男仔女仔個樣，但會認同其他人的演技。」

熱愛工作、嘗試新事物的嘉玲又透露現正看劇本，手上有幾個劇本，以前未做過的角色會吸引她，而近兩年就多了舞台劇找她演出。