李幸倪新歌換唱法演繹分手脆弱無力感

香港文匯報訊（記者 子棠）李幸倪（Gin Lee）今年的首支情歌《可惜我們沒有》已告面世，歌曲道出每段感情都需要建立和維繫，而Gin Lee在曲風和唱法都有別以往。

Gin以一種全新的唱法演繹，「呢首歌寫得好淒美，加上歌詞，主要表達分手後一個好軟弱、好脆弱，亦都有一種無力感嘅一種狀態，所以我就選擇咗用一個看似冇力，但其實係好傷心，當傷心到一個盡頭嘅時候，你把聲係會震，同埋會有一種無力感喺度，都需要用少少時間去揣摩呢種狀態。我還畀自己一個任務就係唔可以用力去表達情緒，要唱到唔係灑狗血，但仍然係可以做到打動人心個感覺，因此唱這首歌最特別的事就係『特別難』；我當然都有經歷過歌詞內容，所以先可以唱到呢種感覺。」

Gin覺得她的歌無論是失戀、自強等任何題材，總會帶點療癒功效，「我亦都希望當我唱出每一首歌或者畀大家聽到嘅時候，都會覺得『無論呢一刻幾辛苦幾絕望都好，唔好放棄，總有希望，繼續行啦。』我覺得我嘅歌曲都會帶住呢一種訊息同感覺，有一個療癒嘅力量喺度。」