香港文匯報訊（記者 阿祖）J2 台主持文頌男（Koba）去年 10 月確診患上罕見癌症「尤文氏肉瘤」，之後全面停工及積極接受治療。前日（6 日）Koba現身新城廣播接受《QK 玉瑛室》節目主持譚玉瑛、何基佑及麥皓兒訪問，戴上鴨舌帽及口罩的他撐住枴杖現身，全程表現樂觀，以笑堅強迎戰癌魔。

現年 28 歲的 Koba 於單親家庭成長，12 歲時父親有外遇離家，家庭頓失經濟支柱，又欠下很多債務，Koba 透露自己童年經常逃學及不歸家流連街上：「渾渾噩噩過咗一年，突然醒覺覺得人生唔可以再係咁，跟住返咗學校讀書，直至大學畢業。」

不幸的是，Koba 加盟無綫 J2 台擔任主持一年便發現有惡性腫瘤，但他堅持到行動不便才停工。Koba 日前在 Ig 公開籌募醫藥費：「剩係覆診做電療可能只係幾十或幾百元，最貴係照Ｘ光，𠵱家短期內要幾十萬才夠我維持幾個月嘅醫療費用。」譚玉瑛亦呼籲大家多支持頌男，令他可以繼續做自己鍾意的事。

Koba 完成 5 次化療後卻未見好轉，他形容當時心情像跌入深淵：「做化療好辛苦，自己變得好虛弱，好似徘徊生死邊緣，又甩晒頭髮，冇以前咁好睇，成個情緒好崩潰，但我都好快收拾到，過咗幾日就已經唔再諗呢樣嘢，係咁提醒自己至少仲可以見吓朋友，仲可以開心到，唔好諗自己過得幾咁困難。」

Koba現正在做第 17 次電療，總共要做 28 次，「最辛苦係平躺做電療會好痛，第一次做電療時痛到呻吟，要用意志力忍住，做完副眼鏡濕晒，隻腳好似冇咗感覺，成個人震得好緊要，落床後跪喺出面十幾分鐘才平復到。」現階段 Koba 要靠吃止痛藥和嗎啡止痛，但嗎啡的分量不但愈來愈多，而且並不能完全止痛，令他相當辛苦。不過 Koba 依然正能量滿滿，並答謝一直支持他的人：「感謝大眾可能唔認識我，但都好熱心傳訊息鼓勵同捐款，好多謝你哋。」