香港文匯報訊（記者 達里） 《Mayanne小喇叭》今集請來遊戲節目《獎門人》的4位前輩獎老林曉峰、錢嘉樂、蘭茜及阮兆祥做嘉賓，大談拍攝《獎門人》的喜與樂。

雖然錢嘉樂被尊稱「大師兄」，但原來第一代獎老是林曉峰（阿Lo）及陳小春，阿Lo大爆當年嘉樂之所以被「獎門人」曾志偉睇中接小春棒，全因為把口夠賤。嘉樂笑言全靠獎門人才能讓他跳出武師界。

至於阿Lo獲邀做獎老，他說：「當時拍《金枝玉葉》有一場戲講張國榮上樓梯，我做助手跟在後面，當時他不知左腳或右腳甩了鞋帶，拍完這場後我們小休，返到來發現甩鞋帶的位置調轉了，在導演開機前我叫停了，因為不連戲。結果當日『獎門人』都在現場，可能他心想我都幾上心，就搵我來做。」而蘭茜擔任獎老的原因就是全情投入「刨西瓜」及「刨粟米」。

4位獎老又大談當年錄影《獎門人》的「消夜度橋日常」，當年因為電視台大戰，《獎門人》最高峯一星期連播五晚，阿Lo說：「下午3點返來開會，一路開到8點50分。當年我們就想好改歌詞唱出嘉賓名，每日揸車就要度18隻歌，每個嘉賓要有3隻，返到去『獎門人』就會問邊隻歌好笑。然後度橋度到食飯。」阿Lo稱當年即使做到凌晨一點左右收廠，但仍要返化妝間繼續開會，開到3點再一起消夜。

而正當眾嘉賓輪流模仿「獎門人」時，曾志偉竟然手持小喇叭現身，嚇得正在扮志偉的錢嘉樂喊驚。志偉扮嬲地說：「好多人打電話畀我，叫我快點來，因為踩到我一文不值。」之後眾人瘋狂互窒，混亂間麥美恩的助理主持曾展望竟然叫志偉做「Daddy」，隨即引起全場哄動。志偉反應快地接招：「出得街咩？你話畀大家聽媽咪是誰？」志偉解釋為何會被尊稱「阿爸」，說：「阿爸負責畀錢埋單，所以就叫阿爸。」