香港文匯報訊（記者 子棠）雲浩影（Cloud）新歌《慢性分手》MV 請來劉俊謙擔任男主角，由去年金像獎最佳剪接李謙明執導。故事以一張梳化見證兩人由熱戀到分手，由最初非常合拍地合力將梳化搬入新屋，在梳化甜蜜互動，到最後合力將梳化搬走燃燒，並且移走時一個快一個慢、一個行一個停，其間輪流發脾氣，完全顯示出大家的不協調、愛情已化為灰燼。

雖然MV結局非常傷感，但Cloud被型男劉俊謙的笑話氹得笑逐顏開；劉俊謙解釋因與Cloud彼此不算熟稔，拍攝時說了很多笑話來打開話匣子。不過令Cloud最開心的，相信是劉俊謙踢爆父母是「迷雲黨」（Cloud歌迷暱稱）；劉俊謙說：「我爸爸媽媽好鍾意Cloud，當年歌唱比賽嘅時候，我哋全家人一齊睇佢唱歌。我自己都幾欣賞Cloud，佢把聲有種清泉嘅感覺，當時聽歌唱比賽已經覺得呢個女仔係清泉。」Cloud受寵若驚，連聲多謝，更稱被當面稱讚感到尷尬：「劉俊謙好紳士、好體貼、好靚仔，拍攝時我都忍唔住同佢講：『 你真係好靚仔！』不過，大家有無留意其實佢把聲好好聽呀！」而先後與日本及香港靚仔在MV合作過，Cloud笑言希望下一次能與法國靚仔結緣，及到法國取景拍攝浪漫MV。