（香港文匯報記者 梁靜儀）許廷鏗（Alfred）日前在電車上舉辦新歌試聽會及簽名會，由中午2點簽到晚上9點，沿途各站都有Fans上車見偶像，Alfred簽名都簽到手軟：「我之前好忍手唔幫Fans簽名，因為想等到今日先簽名，可以喺電車度同大家傾嚇計，我同歌迷之間似朋友多啲。」

今次的「簽名會」中途就發生了「哈碌」情況，Alfred笑說：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

新歌《多多指教》推出在即，Alfred亦宣布即將到海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方，希望用自己嘅影響力比其他人聽到，所以好多時作品源自Fans嘅DM，成為創作嘅養份。」

Alfred又自認是『老餅』、『老派』，出碟是因為自己想要有實物在手：「我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」