香港文匯報訊（記者 梁靜儀）周家怡與湯盈盈前晚到電視城為麥美恩及曾展望主持的節目《Mayanne小喇叭》錄影，二人甫見面，盈盈便搞笑稱家怡「一姐」，家怡即否認，原本有份出席的傳嘉莉因病缺席。

盈盈表示二人相識多年，原來從未同場合作過，她說：「下年就拎30年金牌，有時候都唔記得自己拍過邊套劇集。」周家怡笑問是否指《封神榜》，並自爆當年一件笑料：「其實我有份演陳浩民個學生，記得有一場火場戲，當時我飲咗少少酒有啲醉，導演問周家怡去咗邊，其實我當時低頭想嘔，但都要伸出頭來繼續叫救命，啲酒係浩民帶嚟，嗰陣時拍戲好好玩。」家怡又透露今集節目主題是飲酒，但她和盈盈都不是飲得之人，自言飲半罐啤酒便會醉，笑言在節目中會呼籲大家不要飲酒。

盈盈笑言要做好榜樣，因最近發現細女非常似她：「好彩佢哋唔識聽廣東話，最近覺得細女非常似我咁古靈精怪，應該係報應！」問到老公錢嘉樂平日如何同兩個女溝通？盈盈笑指他用好爛的英文， 不過現在英文都進步了很多。

盈盈又笑言要轉移話題，要講周家怡的男朋友，問到她可需要老公介紹龍虎武師？家怡聞言即說：「順其自然啦，都順到有啲慣，現在係逆來順受，（楊老闆有冇介紹朋友畀你？）老闆啲朋友年紀又好似差一截，同埋我拍拖時個樣太乞人憎喇，不過楊生若果見到我哋有另一半，覺得好都會叫我哋擒住佢，唔好放過！」