香港文匯報訊 雲浩影（Cloud）新碟《INTRODUCTION to PAIN》今日面世，前日有新碟開箱活動，粉絲買飛入場率先獲得新碟兼欣賞Cloud現場演繹。Cloud以輕快的《自發性神經反應》揭開序幕，粉絲揮動燈牌和旗仔，氣氛熱鬧。接着唱出歌詞較沉重的《無以名狀的痛》，Cloud非常投入，之後她表示幾乎被前排粉絲影響跟住喊。本以為忍得住，結果她之後唱《放下放不下》時失守感動到眼濕濕。唱畢，她深深呼出一口氣，說：「經歷咗好多嘢，我真係唔確定再錄一次，係咪可以去返嗰個嘅我。美好嘅事情無得重複，有啲美好放喺心入面就夠。」之後她唱出新歌《回憶半分鐘》。

去年Cloud推出第一張唱片時舉行發布會，獲不少圈中人支持。今次推出第二張唱片，首次以賣票方式舉行試聽活動。Cloud坦言最初擔心票房反應，結果門票秒殺，一票難求。她說：「最初我有擔心有冇咁多人嚟支持我？好開心門票好快賣晒，好多粉絲話買唔到飛，可唔可以開多場？我希望好快喺更大嘅舞台，同大家分享我嘅音樂。」

為了今次活動，Cloud特別設計「心碎版」限定簽名款式，她說：「希望收到今次簽名嘅粉絲以後唔會心碎，又或者可以陪伴大家心碎。」而唱片外的繩結隱喻「心結」，她說：「呢條繩係綁住個心嘅心結，結象徵『心結亦可以係一件好靚嘅事』，《INTRODUCTION to PAIN》對於我係美好嘅事，係成長好重要嘅一環，記錄咗我一啲心路歷程。」