香港文匯報訊 英國物價昂貴困擾不少移英港人。一名網民在移英港人社媒群組匿名發文，聲稱移居英國「只需要錢」，還稱在英購物是價廉物美，包括較昂貴的鋼琴還是日常的衣物皆是。帖文引來大批移英港人不滿，有網民揶揄物價不高的英國，或只存在於「平行時空」。

網民「Cheung Cheung」抱怨回應，「係我去錯國家定佢喺平衡（行）時空？英國買嘢唔貴？一個sink盤隔渣個隔都賣3鎊幾（約30港元）！廁紙貴到我唔係急到瀨都唔敢屙！除咗部分食材之外，我未見過有嘢平過香港」。網民「Tsz Dido Cheung」也稱，「連走去油站打胎氣都要收錢」。網民「Tony Kiang」還表示英國處處徵稅，「癡人說夢，有乜帶乜，呢度買乜除食材都要畀20%稅，外食都要」。

「淨係衫都買唔落手」

也有移英港人直言在英購物選項寥寥，性價比一般。網民「陳妙展」表示，「買條發熱線，上海街220港元，英國就220鎊（約2,180港元），仲要去倫敦門市先有。」網民「MW Wu」也抱怨，「淨係衫都買唔落手。電器都唔係咩款都有！」網民「Jus Dum Tin」無奈稱，「有幾多移民人士需要鋼琴喇。」

網民「Oscar Choy」試圖「護主」：「講到英國咁慘咁廢，做乜仲要嚟英國呢？搞到自己咁折墮為乜呢？」不過網民「李燦域」隨即反駁，「英國最完美？唔講得唔好處？」網民「MW Wu」批評稱，「講事實都要畀人叫。蘋果系列每次回港總有人託買多幾部，唔通香啲？係平啲呀！醫生或興趣班一次幾錢？英國係貴過大灣區香港呀！」