香港文匯報訊 移英港人群組不時有網民抱怨當地物價高昂，一個菠蘿包便引來不滿。網民「Edmond YU」上月發帖文稱，「噚日個仔話想食菠蘿包。特登去嗰間唔知日本定台灣品牌嘅麵包店買『菠蘿包』畀佢食。點知3.2英鎊（約31.7港元）淨係買到外表似菠蘿包，但味道完全唔係嗰回事！」

單剪99元 自己剪好過

居住在伯明翰的網民「Yeah Ling」詢問在英理髮事宜，「聽聞嚟到剪頭髮又貴又剪唔好，大家都係自己剪？」網民「Good Chu」表示，在英國理髮價格偏高，「我去單剪就搵到個10英鎊（約99港元），因為之前去開local（本地人的理髮店）都要17.5英鎊（約173港元）。我香港去開都係百幾蚊有埋洗剪吹，呢度就得返單剪」。網民「Kelly Kaa」也稱，「通街都剪男人，我仲未搵有女人的。諗住搵唔到，到時叫屋企人幫我剪。」

英國通脹攀升困擾不少移英港人。網民「Chan Anthony」稱，自己在英國一間私家醫院工作近6個月後，獲加薪7%，但薪酬仍不算高，「可能我嘅薪水真係太低！」網民「Adrian Wong」詢問，「你計咗通脹未？」「Chan Anthony」無奈笑稱，「加極都追唔到啦！」