香港文匯報訊 部分移英港人在當地租屋，不過高企的物價意味稍有不慎損壞屋內設備，便要作出巨額賠償。移英港人「Eli Leung」上月底在群組求助，稱自己煮餸時不慎將租屋廚房的實木枱面燒壞，留下明顯的黑色印記。不少網民直呼「大鑊」，表示按照英國物價，賠償實木枱面損壞「可能賠晒按金都未夠」。

「業主有權要你賠整個枱面」

Eli Leung求助稱，「租屋的廚房枱面整燶咗，請問有冇方法整好？扣按金大約多少錢？」網民「Rose Rose」擔憂稱，「業主有權要你賠整個廚房worktop（枱面），可以好貴。因人工貴！」網民「Jason Jp」直呼，「你現在唯有找專業師傅整去焦面或執色師傅處理，否則你賠晒按金都未夠」。

網民「Lazy Wan」想出奇招：「用砂紙磨走表面黑咗果啲位，再上返啲 for wooden worktop（實木枱面專用）嘅面油，初初都會睇得出果撻位唔自然，但過一排就唔覺」。網民「Kenny Chun」則以過來人身份坦言，「我同你一樣，最後冇搞佢，扣咗350英鎊（約3,468港元）。自己磨又要買磨機，又要買wood stain（木材染料），同埋我驚剩係磨果個位會好礙眼，結果仲衰。」

網民「Eddy Ho」稱，如果使用石材裝修廚房枱面，在英國要價更貴，「我廚房講緊10個cupboard（櫥櫃），淨係石都已經一萬英鎊（約9.9萬港元），加埋整廚柜都差唔多兩萬英鎊（約19.8萬港元），不了。」