香港文匯報訊（記者 梁靜儀）龔嘉欣今日(23日)到觀塘出席商場新春活動，34歲的她恨嫁心切，直言心急結婚生仔組織家庭。

農曆新年將至，未婚的嘉欣透露好想派雙封利是，又坦言開始心急結婚生仔:「其實去年都係派雙封，但都派自己個姓，開始覺得好急喇，因為每一次聚會都係同好多小朋友，前日至同陳凱琳(Grace)兩個仔出去玩，Grace好放心將個細仔全程交細仔湊，即刻好有媽媽嘅感覺，(好想快啲做媽媽?)係呀，有小朋友係好開心，但當然唔係咁容易啦，要計劃一吓。」

近年嘉欣與日籍甜品大師松岡哲也的緋聞傳得熾熱，說到她已有對象，還差些甚麼? 她笑說：「差個人，（要種唔要男人？）唔好我想有個家庭，我好煩呀，我身邊朋友成日幫我計數，我今年34歲，叫我好快啲(生B)，同埋唔好同佢哋啲小朋友相差太遠，可以一齊玩。」與日籍蛋糕大師傳緋聞，問不是早有對象？嘉欣稱是「乜都冇」，又指若拍拖會想順住行，不會迫婚，問是否「放風聲」？她稱：「所有人都知道！」問到是否放風給緋聞男友知？嘉欣否認有男友:「唔係呀，等所有人都知道，乜都冇呀，順住行啦，雖然好恨，（全唔會逼婚？）唔會，我唔會㗎！」

嘉欣又透露計劃農曆新年後一個人去旅行洗滌心靈，現正有幾個地點想去，她說：「我好鍾意metime ，好hea得，可以坐公園飲杯噡啡一日都得，但朋友就擔心我一個女仔嘅安全問題。」嘉欣謂朋友提議她去澳洲，因自己開甜品店，可以順便試食蛋糕攞靈感，而自己好鍾意去夏威夷，希望至少留兩個禮拜。問到可想有艷遇？她說:「可以㗎，如果喺外地認識到朋友，都唔介意做啲文化交流，識多個朋友，咩國籍都得，但我去旅行唔係呢個目的，只想自己一個人靜吓，而家太忙喇。」

另外，嘉欣透露本周六會和張振朗到馬來西亞登台，因為二人主演的劇集《靈戲逼人》CP在當地很受歡迎，她說：「本身我哋祈望喺台慶頒獎禮可以攞最佳拍檔，但今年冇咗呢個獎，但唔緊要，觀眾仲好記得我哋，就請我哋去登台。」她又表示希望《靈》劇可以開拍續集，化妝時已在構思劇本，並認真的說:「雖然我喺劇中已灰飛煙滅，但一陣間會同監製sell橋，希望新一年大家仍鍾意我哋呢對CP，就可以一齊搵銀。」