香港文匯報訊（記者 梁靜儀）歌唱真人騷《中年好聲音2》前晚（10日）播出一集是第六部曲《廿一強全新賽制　動感/情感PK賽！》上半場，經過一輪激戰，安雅希與古淖文同樣獲得全晚最高分的86分，麥素華被淘汰。

獻唱《心如刀割》的安雅希Vs獻唱《失戀無罪》的陳俞霏，最終獲得86分的雅希以4分之差揮低俞霏，直接晉級。雅希透露原本想挑戰唱快歌，但因今次是PK賽的關係，為求安全最終選擇唱情感歌。獻唱《失戀無罪》的俞霏繼續收埋招牌Hyper個性，惟她的高音仍被指吵耳，最終獲得82分。

「最強素人」譚輝智於本回合再度發功，深情獻唱王力宏的《Kiss Goodbye》，封輝智為「羅啟豪2.0」的張佳添再度大讚：「你嘅潛質可以向羅啟豪方向邁進，你係一塊再要雕琢嘅玉，雕琢完之後就係塊翡翠。」

上回合唱到喊的古淖文今集獻唱《Monica》，一股「江湖味」出返晒嚟，最終還是獲得86分。曾讚淖文有巨星風範的陳慧嫻笑言：「你話要減江湖味，但始終都喺度。」伍仲衡則說：「你每一個字後面都有個『啊』字，呢啲我通常係聽尹光先聽到，但你又冇尹光嗰種個人Style。」肥媽加把嘴說：「我好少同意佢（伍仲衡），但我今日都同意，唱到有啲粵曲Feel。」