香港文匯報訊（記者 梁靜儀）陳寶珠今年繼續以香港血癌基金愛心大使身份，到尖沙咀出席慈善揭幕活動，獲逾百粉絲捧場，人氣不輸後生仔，就連同場的林海峰（Jan）都表示完全感受到寶珠姐粉絲的威力，首次見到寶珠姐的他在台上又笑說：「頭先寶珠姐叫我坐先，我簡直想趴低，見到佢係最好嘅聖誕禮物，我前一晚緊張瞓唔着，激動過自己攞獎。」

活動上寶珠姐與阿Jan聯同基金委員會會長林谷薇麗及副會長梁憲孫醫生等人主持聖誕亮燈儀式，在場的寶珠迷不停大叫寶珠姐，又舉橫額應援，聲勢不下於年輕藝人，而寶珠姐接受過訪問後，更走近與粉絲握手及大合照，表現親民又友善。

寶珠姐受訪時被問到阿Jan表示見到她很開心，她笑說：「我諗佢只係客氣，見到老人家，氹我開心，我都係第一次見佢，（佢氹得你好開心？）係日行一善。」

寶珠姐聖誕節留港

聖誕節將至，寶珠姐稱沒打算出埠旅行，因為疫情加上怕有太多人出門，聖誕節應該會留喺屋企，年年都係咁，約10個8個朋友一齊慶祝。（會唔會搵師父白雪仙？）佢都會開party。（會唔會準備禮物送畀師父？）師父好疼我哋，唔想我哋花錢，去探佢講聲聖誕快樂就得。」近年甚少作幕前演出的寶珠姐，坦言現時以休息為主，加上新人輩出，要讓路給他們。

說到她的粉絲現時只可以在公開活動上才見到她，寶珠姐指很多粉絲都是陪着她長大，有些更已有兒孫。問到她又何時抱孫？寶珠姐笑言隨緣。

首次見到寶珠姐的Jan，受訪時笑言完全感受到寶珠姐粉絲的威力：「係陳寶珠粉絲『殺人事件』，佢真係Icon。」下月將舉行演唱會的他，被問到會否邀請寶珠姐睇騷？他卻說不敢：「對方應該係好早瞓，唔好打擾佢，其實我都好早瞓，我都想下午開騷，最好黃昏前散場，大家可以返屋企食飯，不過因為大會同交通安排問題冇辦法做到。」

Jan今次個唱不會邀請嘉賓，想自己唱晒。近日黎明在演唱會上坐着唱快歌成熱話，阿Jan亦搞笑說：「唱歌之外，我會有啲坐喺度郁。」他又透露完成音樂會，便會準備叱咤頒獎典禮。問到他可有留意「我最喜愛的男歌手」7強名單？他坦言：「有留意。（你有咩心水？）我冇心水，我現場只會讀大會嘅心水，唔會讀自己心水。（尹光（光B）成大熱？）係大勢所趨，係民意，呢個係每年大家好期待嘅時刻。」