香港文匯報訊（記者 阿祖）《中年好聲音2》前晚（10日）首播，由車婉婉擔任主持，肥媽、伍仲衡、張佳添、周國豐、陳慧嫻擔任評審。節目中共有21名選手亮相，當中共誕生了兩名5燈選手，為賽事首掀高潮。周文馨聲底好中音靚，懂得運用策略吸引聽眾；吳萊邨高音自然，獲讚有排玩。

《破毒強人》上周五播映大結局，吸引逾173萬觀眾追看，跨平台直播收視最高26.9點，為劇集收視之冠；萬眾期待的綜藝節目《中年好聲音2》首播日逾148萬觀眾欣賞，最高收視23點，完勝上季第一集最高收視20.2點。

當晚第一位5燈選手，是56歲高管教練周文馨（Rainbow），選唱歌曲是《Unchained Melody》，周文馨唱了一分半鐘左右，即吸引肥媽、張佳添及慧嫻同時撳燈，場面墟冚。對於Rainbow表現，評審們認為唱功、聲線俱佳，張佳添指：「中音好靚，你把聲有少少令我諗起Karen Anne Carpenter」，對此慧嫻亦應和謂：「我都係最鍾意你嘅聲底，你一路都唱得好好、好穩定。」最遲撳燈的周國豐更大讚Rainbow懂得運用策略吸引聽眾：「呢首歌情懷好緊張，第一段周小姐撩唔起我條筋，我要讚係佢去到見到剩番我未撳時，佢已經好策略性地針對式望住我。確實後半截佢係愈唱愈好，最後嗰個高音，冇辦法都要撳燈。」Rainbow的故事與其歌聲同樣感人，兩年前曾動過心臟手術的她，感恩透過手術獲得重生：「冇做到嗰個手術，我可能企唔到喺呢度，所以我覺得好感恩。我真係覺得好似重生，我好開心可以參與到呢個節目。」

第二位5燈選手，是50歲在悉尼經營泰國餐館的海外選手吳萊邨，獻唱歌曲是《最後一封信》；雖然吳太一直希望萊邨全心全意在餐館生意上大展拳腳，不過當聽到他想參加《中年2》，竟二話不說答應，令萊邨大為感動及意外：「佢知道我參賽，就話：『不如去啦』，估唔到佢會支持我。」對於萊邨的表現，張佳添笑言「醒晒」，並一再大讚他有穿透力，而「穿透力」代言人伍仲衡則讚萊邨高音來得自然：「佢有力得嚟又唔嘈架喎，有啲人得個嗌字，你有排玩呀你！」張佳添聞言即附和：「用力用得好就唔嘈架喇。」

陳蒨葶以歌聲向媽咪證明

本集還誕生了4名4燈選手，分別是60歲獻唱《風雲》的顧嘉輝鐵粉簡潔明、36歲獻唱《光亮》的安雅希、37歲獻唱《白金升降機》的陳蒨葶，及39歲獻唱《留低鎖匙》的劉肇文。當中陳蒨葶2011年曾出道做歌手，可惜最終歌手夢碎，她說：「同公司好多唔同問題出現，話冇就冇，嗰時發覺自己淨係識唱歌，仲可以做啲咩呢？好難捱，因為未接受得到，個人好Down，唔想見人。」陳蒨葶續指報名《中年2》是想媽咪不要再擔心自己，她哽咽謂：「好想再一次證明畀佢睇，你個女係可以喺台上發光發亮，冇白費你心思！」另一位較特別的選手是36歲全職媽媽王玥，獻唱《傾城》的她獲得3燈成績之餘，更獲以閹尖見稱的周國豐大讚「背影」吸引及以歌聲講故事能力極佳。育有三名小朋友的王玥，其實數月前才開始跟老師學唱歌，豈料卻獲老師建議參加《中年2》，足證潛力無限。