香港文匯報訊（記者 梁靜儀）關嘉敏和焦浩軒（焦仔）在處境劇《愛·回家之開心速遞》中飾演情侶，因受歡迎帶挈二人以熒幕情侶檔首次合作拍廣告，影相時嘉敏更扭到焦仔耳仔「紅晒」。

前晚二人在清水灣拍廣告， 焦仔表示多謝觀眾喜歡他們這對情侶檔，觀眾更鍾意看到他被欺負。嘉敏笑指觀眾變態。二人異口同聲表示希望有更多機會一齊拍廣告及商演。嘉敏最想合作拍家居及傢俬廣告，或在廣告中展現她變態一面。焦仔大讚嘉敏專業又靚女，演技又好，唱歌又好聽。嘉敏又稱情人節將至，都想與焦仔可在商演一齊唱歌。焦仔指平日在公司等埋位前有跟嘉敏一齊唱K。

嘉敏在《愛》劇中經常虐待焦仔，嘉敏笑言鍾意變態感覺，更指焦仔其實好享受。她說：「試過有的士司機問我平時係唔係咁野蠻？仲話想畀我搣。」她強調本身性格好溫柔，並不野蠻，只是有少少好動，更不會搣人。目前亦沒有男友，她笑言誰人頂得順被她搣，就可跟她拍拖。