香港文匯報訊（記者 文芬）昨天是陳煒成為陳太後的首個生日，煒哥的一班fans，特別舉辦了一個生日會，除慶祝煒哥生日外，亦慶祝她新婚之囍！

席上除了一班疼惜煒哥的fans外，當然亦有她的幾位至愛，煒哥老公、家姐同姐夫都有到場，大家開開心心，齊齊祝賀煒哥牛一。

昨日煒哥憑《回歸》及《黯夜守護者》提名最佳女主角。問到有否信心奪視后，煒哥謂：「信心係一定要有，其實自己兩個角色都好鍾意，因為《回歸》同《黯夜》係兩個完全唔同性格嘅人物，所以都過足戲癮，最重要係觀眾鍾意。個人私心會更喜歡《回歸》鄧麗娟多一些，因為係適逢香港回歸25周年，感覺同所有香港人一齊經歷過去，憧憬未來，所以更有感覺和使命感。」

另外，煒哥同郭晉安（安仔）雖然是首次合作，但已經得到《最受歡迎電視拍檔》的提名，對此煒哥謂：「係有少少驚喜，因為同安仔真係第一次合作，出到嚟得到觀眾鍾意，真係好開心，希望大家都投我哋一票。」