大公文匯全媒體報道：信不信由你！有移民英國嘅黃絲港女日前在fb專頁投稿話屋企鬧鬼，明明閂好嘅門會自己開，又話坐喺梳化嘅時候會感到一浸寒氣入其身體喎。有網民笑言「打齋用英文定中文先?」，亦有人笑指「夏天熱起上嚟佢就知自己執到好嘢了」、「英國夏天必備，還可節省電費，阿門」。

該名黃絲在帖文表示，有日傍晚6點幾，一個人喺屋企煮飯，因為要煎蝦所以關上廚房同上樓上間隔度門。但煎煎下聽到啲聲，向走廊門望，見到門柄向下移，跟住度門自己開咗。她以為朋友回家，於是即刻去將度門打開，望大門口，但唔見朋友對鞋，肯定佢未返喎。之後她又見到出花園度門自己開。咁都未完，她續指之後坐喺梳化，感到一股寒氣喺左邊，她將左手放左邊的座位，寒氣就由左手進入其身體。佢形容自己一邊祈禱，對腳不自由地震喎。